इधर उधर न सभी से मुज़ाकरात करे
जिसे गिला हो कोई आ के हम से बात करे
ज़रूरियात की तकमील सब से पहले है
फिर उस के बा'द कोई शख़्स ख़्वाहिशात करे
ग़रीब ‘अद्ल-ओ-मुसावात चीख़ता ही रहे
अमीर-ए-शहर ग़रीबों से ज़ात-पात करे
बिला-झिजक वो मुकम्मल सुना दे हाल-ए-दिल
उसे कहो कि न बेजा तकल्लुफ़ात करे
ये ज़िंदगी तो फ़क़त हादसों में गुज़री है
बयान क्या कोई तफ़्सील-ए-हादसात करे
'अता हो ऐसा कोई हम-नफ़स कि जो 'यासिर'
हमारे साथ वफ़ा ता-दम-ए-हयात करे
idhar udhar na sabhī se muzākarāt kare
jise gila ho koī aa ke ham se baat kare
zarūriyāt kī takmīl sab se pahle hai
phir us ke baa'd koī shaḳhs ḳhvāhishāt kare
ġharīb ‘adl-o-musāvāt chīḳhtā hī rahe
amīr-e-shahr ġharīboñ se zāt-pāt kare
bilā-jhijak vo mukammal sunā de hāl-e-dil
use kaho ki na bejā takallufāt kare
ye zindagī to faqat hādsoñ meñ guzrī hai
bayān kyā koī tafsīl-e-hādsāt kare
'atā ho aisā koī ham-nafas ki jo 'yāsir'
hamāre saath vafā tā-dam-e-hayāt kare
ادھر ادھر نہ سبھی سے مذاکرات کرے
جسے گلہ ہو کوئی آ کے ہم سے بات کرے
ضروریات کی تکمیل سب سے پہلے ہے
پھر اس کے بعد کوئی شخص خواہشات کرے
غریب عدل و مساوات چیختا ہی رہے
امیر شہر غریبوں سے ذات پات کرے
بلا جھجک وہ مکمل سنا دے حال دل
اسے کہو کہ نہ بے جا تکلفات کرے
یہ زندگی تو فقط حادثوں میں گزری ہے
بیان کیا کوئی تفصیل حادثات کرے
عطا ہو ایسا کوئی ہم نفس کہ جو یاسرؔ
ہمارے ساتھ وفا تا دم حیات کرے