दिल के तह-ख़ाने में इक हर्फ़-ए-दु'आ रखता हूँ
अपनी ख़्वाहिश का गिला ऐसे दबा रखता हूँ
मेरे किरदार पे उँगली जो उठाते हैं सुनो
मैं हूँ जैसा भी मगर पास-ए-वफ़ा रखता हूँ
ऐसे अल्फ़ाज़ न मिल पाए बयाँ हों जिस से
अपने जज़्बात जो सीने में छुपा रखता हूँ
ये भी ख़्वाहिश है कि कुछ लोग मुख़ालिफ़ हों मिरे
वर्ना अहबाब तो मैं बेश-बहा रखता हूँ
ज़ीस्त के जितने मराहिल हैं सभी आसाँ हों
गर मिटा दूँ मैं ये जो ख़्वाब सजा रखता हूँ
जाने क्यों देख के छुपता है वो मुझ से यकसर
एक मैं हूँ कि फ़क़त शौक़-ए-लिक़ा रखता हूँ
मुझ से शाहों को सलामी की तवक़्क़ो' मत रख
क्यूँकि मैं दिल में फ़क़त ख़ौफ़-ए-ख़ुदा रखता हूँ
हर जगह ज़ख़्म का मरहम नहीं मिलता ऐ दोस्त
आ मिरे पास कि मैं ख़ाक-ए-शिफ़ा रखता हूँ
dil ke tah-ḳhāne meñ ik harf-e-du'ā rakhtā huuñ
apnī ḳhvāhish kā gila aise dabā rakhtā huuñ
mere kirdār pe uñglī jo uThāte haiñ suno
maiñ huuñ jaisā bhī magar pās-e-vafā rakhtā huuñ
aise alfāz na mil paa.e bayāñ hoñ jis se
apne jazbāt jo siine meñ chhupā rakhtā huuñ
ye bhī ḳhvāhish hai ki kuchh log muḳhālif hoñ mire
varna ahbāb to maiñ besh-bahā rakhtā huuñ
ziist ke jitne marāhil haiñ sabhī āsāñ hoñ
gar miTā duuñ maiñ ye jo ḳhvāb sajā rakhtā huuñ
jaane kyoñ dekh ke chhuptā hai vo mujh se yaksar
ek maiñ huuñ ki faqat shauq-e-liqā rakhtā huuñ
mujh se shāhoñ ko salāmī kī tavaqqo' mat rakh
kyūñki maiñ dil meñ faqat ḳhauf-e-ḳhudā rakhtā huuñ
har jagah zaḳhm kā marham nahīñ miltā ai dost
aa mire paas ki maiñ ḳhāk-e-shifā rakhtā huuñ
دل کے تہہ خانے میں اک حرف دعا رکھتا ہوں
اپنی خواہش کا گلہ ایسے دبا رکھتا ہوں
میرے کردار پہ انگلی جو اٹھاتے ہیں سنو
میں ہوں جیسا بھی مگر پاس وفا رکھتا ہوں
ایسے الفاظ نہ مل پائے بیاں ہوں جس سے
اپنے جذبات جو سینے میں چھپا رکھتا ہوں
یہ بھی خواہش ہے کہ کچھ لوگ مخالف ہوں مرے
ورنہ احباب تو میں بیش بہا رکھتا ہوں
زیست کے جتنے مراحل ہیں سبھی آساں ہوں
گر مٹا دوں میں یہ جو خواب سجا رکھتا ہوں
جانے کیوں دیکھ کے چھپتا ہے وہ مجھ سے یکسر
ایک میں ہوں کہ فقط شوق لقا رکھتا ہوں
مجھ سے شاہوں کو سلامی کی توقع مت رکھ
کیونکہ میں دل میں فقط خوف خدا رکھتا ہوں
ہر جگہ زخم کا مرہم نہیں ملتا اے دوست
آ مرے پاس کہ میں خاک شفا رکھتا ہوں