इधर देख लेना उधर देख लेना
कन-अँखियों से उस को मगर देख लेना
फ़क़त नब्ज़ से हाल ज़ाहिर न होगा
मिरा दिल भी ऐ चारा-गर देख लेना
कभी ज़िक्र-ए-दीदार आया तो बोले
क़यामत से भी पेश-तर देख लेना
न देना ख़त-ए-शौक़ घबरा के पहले
महल मौक़ा ऐ नामा-बर देख लेना
कहीं ऐसे बिगड़े सँवरते भी देखे
न आएँगे वो राह पर देख लेना
तग़ाफ़ुल में शोख़ी निराली अदा थी
ग़ज़ब था वो मुँह फेर कर देख लेना
शब-ए-वा'दा अपना यही मश्ग़ला था
उठा कर नज़र सू-ए-दर देख लेना
बुलाया जो ग़ैरों को दावत में तुम ने
मुझे पेश-तर अपने घर देख लेना
मोहब्बत के बाज़ार में और क्या है
कोई दिल दिखाए अगर देख लेना
मिरे सामने ग़ैर से भी इशारे
इधर भी उधर देख कर देख लेना
न हो नाज़ुक इतना भी मश्शाता कोई
दहन देख लेना कमर देख लेना
नहीं रखने देते जहाँ पाँव हम को
उसी आस्ताने पे सर देख लेना
तमाशा-ए-आलम की फ़ुर्सत है किस को
ग़नीमत है बस इक नज़र देख लेना
दिए जाते हैं आज कुछ लिख के तुम को
उसे वक़्त-ए-फ़ुर्सत मगर देख लेना
हमीं जान देंगे हमीं मर मिटेंगे
हमें तुम किसी वक़्त पर देख लेना
जलाया तो है 'दाग़' के दिल को तुम ने
मगर इस का होगा असर देख लेना
idhar dekh lenā udhar dekh lenā
kan-añkhiyoñ se us ko magar dekh lenā
faqat nabz se haal zāhir na hogā
mirā dil bhī ai chāra-gar dekh lenā
kabhī zikr-e-dīdār aayā to bole
qayāmat se bhī pesh-tar dekh lenā
na denā ḳhat-e-shauq ghabrā ke pahle
mahal mauqa ai nāma-bar dekh lenā
kahīñ aise bigḌe sañvarte bhī dekhe
na ā.eñge vo raah par dekh lenā
taġhāful meñ shoḳhī nirālī adā thī
ġhazab thā vo muñh pher kar dekh lenā
shab-e-va.ada apnā yahī mashġhala thā
uThā kar nazar sū-e-dar dekh lenā
bulāyā jo ġhairoñ ko dāvat meñ tum ne
mujhe pesh-tar apne ghar dekh lenā
mohabbat ke bāzār meñ aur kyā hai
koī dil dikhā.e agar dekh lenā
mire sāmne ġhair se bhī ishāre
idhar bhī udhar dekh kar dekh lenā
na ho nāzuk itnā bhī mashshāta koī
dahan dekh lenā kamar dekh lenā
nahīñ rakhne dete jahāñ paañv ham ko
usī āstāne pe sar dekh lenā
tamāshā-e-ālam kī fursat hai kis ko
ġhanīmat hai bas ik nazar dekh lenā
diye jaate haiñ aaj kuchh likh ke tum ko
use vaqt-e-fursat magar dekh lenā
hamīñ jaan deñge hamīñ mar miTeñge
hameñ tum kisī vaqt par dekh lenā
jalāyā to hai 'dāġh' ke dil ko tum ne
magar is kā hogā asar dekh lenā
ادھر دیکھ لینا ادھر دیکھ لینا
کن انکھیوں سے اس کو مگر دیکھ لینا
فقط نبض سے حال ظاہر نہ ہوگا
مرا دل بھی اے چارہ گر دیکھ لینا
کبھی ذکر دیدار آیا تو بولے
قیامت سے بھی پیشتر دیکھ لینا
نہ دینا خط شوق گھبرا کے پہلے
محل موقع اے نامہ بر دیکھ لینا
کہیں ایسے بگڑے سنورتے بھی دیکھے
نہ آئیں گے وہ راہ پر دیکھ لینا
تغافل میں شوخی نرالی ادا تھی
غضب تھا وہ منہ پھیر کر دیکھ لینا
شب وعدہ اپنا یہی مشغلہ تھا
اٹھا کر نظر سوئے در دیکھ لینا
بلایا جو غیروں کو دعوت میں تم نے
مجھے پیشتر اپنے گھر دیکھ لینا
محبت کے بازار میں اور کیا ہے
کوئی دل دکھائے اگر دیکھ لینا
مرے سامنے غیر سے بھی اشارے
ادھر بھی ادھر دیکھ کر دیکھ لینا
نہ ہو نازک اتنا بھی مشاطہ کوئی
دہن دیکھ لینا کمر دیکھ لینا
نہیں رکھنے دیتے جہاں پاؤں ہم کو
اسی آستانے پہ سر دیکھ لینا
تماشائے عالم کی فرصت ہے کس کو
غنیمت ہے بس اک نظر دیکھ لینا
دیے جاتے ہیں آج کچھ لکھ کے تم کو
اسے وقت فرصت مگر دیکھ لینا
ہمیں جان دیں گے ہمیں مر مٹیں گے
ہمیں تم کسی وقت پر دیکھ لینا
جلایا تو ہے داغؔ کے دل کو تم نے
مگر اس کا ہوگا اثر دیکھ لینا