हुस्न पर फ़िर'औन की फबती कही
हाथ लाना यार क्यूँ कैसी कही
दामन-ए-यूसुफ़ ही भड़काता रहा
'इश्क़ और तर्क-ए-अदब अच्छी कही
कौन समझाए कि दुनिया गोल है
आप ने जैसी सुनी वैसी कही
कोई ज़िद थी या समझ का फेर था
मन गए वो मैं ने जब उल्टी कही
दर्द से पहले करूँ फ़िक्र-ए-दवा
वाह ये अच्छी उलटवांसी कही
दोस्त से पर्दा किया ये क्या किया
आप-बीती छोड़ जग-बीती कही
शक है काफ़िर को मिरे ईमान में
जैसे मैं ने कोई मुँह देखी कही
क्या ख़बर थी ये जुदाई और है
हाए मैं ने क्यूँ ख़ुदा-लगती कही
मुफ़्त में सुन ली 'यगाना' की ग़ज़ल
अन-सुनी कर दी जो मतलब की कही
husn par fir'aun kī phabtī kahī
haath laanā yaar kyuuñ kaisī kahī
dāman-e-yūsuf hī bhaḌkātā rahā
'ishq aur tark-e-adab achchhī kahī
kaun samjhā.e ki duniyā gol hai
aap ne jaisī sunī vaisī kahī
koī zid thī yā samajh kā pher thā
man ga.e vo maiñ ne jab ulTī kahī
dard se pahle karūñ fikr-e-davā
vaah ye achchhī ulaTvānsī kahī
dost se parda kiyā ye kyā kiyā
āp-bītī chhoḌ jag-bītī kahī
shak hai kāfir ko mire īmān meñ
jaise maiñ ne koī muñh dekhī kahī
kyā ḳhabar thī ye judā.ī aur hai
haa.e maiñ ne kyuuñ ḳhudā-lagtī kahī
muft meñ sun lī 'yagānā' kī ġhazal
an-sunī kar dī jo matlab kī kahī
حسن پر فرعون کی پھبتی کہی
ہاتھ لانا یار کیوں کیسی کہی
دامن یوسف ہی بھڑکاتا رہا
عشق اور ترک ادب اچھی کہی
کون سمجھائے کہ دنیا گول ہے
آپ نے جیسی سنی ویسی کہی
کوئی ضد تھی یا سمجھ کا پھیر تھا
من گئے وہ میں نے جب الٹی کہی
درد سے پہلے کروں فکر دوا
واہ یہ اچھی الٹوانسی کہی
دوست سے پردہ کیا یہ کیا کیا
آپ بیتی چھوڑ جگ بیتی کہی
شک ہے کافر کو مرے ایمان میں
جیسے میں نے کوئی منہ دیکھی کہی
کیا خبر تھی یہ جدائی اور ہے
ہائے میں نے کیوں خدا لگتی کہی
مفت میں سن لی یگانہؔ کی غزل
ان سنی کر دی جو مطلب کی کہی