हुस्न में आफ़त-ए-जहाँ तू है
चाल में ख़ंजर-ए-रवाँ तू है
दोनों ज़ालिम हैं फ़र्क़ इतना है
आसमाँ पीर है जवाँ तू है
बे-कहे दिल का हाल रौशन है
ऐ ख़मोशी मिरी ज़बाँ तू है
अपने घर में ख़याल में दिल में
एक हो कर कहाँ कहाँ तू है
दोनों जानिब से पर्दा-दारी है
मैं हूँ गुमनाम बे-निशाँ तू है
सब से प्यारी है जान दुनिया में
जान से बढ़ के जान-ए-जाँ तू है
आइने पर नहीं ये चश्म-ए-करम
अपनी सूरत का क़द्र-दाँ तू है
क्या बराबर का जोड़ है ये 'जलील'
यार नाज़ुक है ना-तवाँ तू है
husn meñ āfat-e-jahāñ tū hai
chaal meñ ḳhanjar-e-ravāñ tū hai
donoñ zālim haiñ farq itnā hai
āsmāñ piir hai javāñ tū hai
be-kahe dil kā haal raushan hai
ai ḳhamoshī mirī zabāñ tū hai
apne ghar meñ ḳhayāl meñ dil meñ
ek ho kar kahāñ kahāñ tū hai
donoñ jānib se parda-dārī hai
maiñ huuñ gumnām be-nishāñ tū hai
sab se pyārī hai jaan duniyā meñ
jaan se baḌh ke jān-e-jāñ tū hai
aa.ine par nahīñ ye chashm-e-karam
apnī sūrat kā qadr-dāñ tū hai
kyā barābar kā joḌ hai ye 'jalīl'
yaar nāzuk hai nā-tavāñ tū hai
حسن میں آفت جہاں تو ہے
چال میں خنجر رواں تو ہے
دونوں ظالم ہیں فرق اتنا ہے
آسماں پیر ہے جواں تو ہے
بے کہے دل کا حال روشن ہے
اے خموشی مری زباں تو ہے
اپنے گھر میں خیال میں دل میں
ایک ہو کر کہاں کہاں تو ہے
دونوں جانب سے پردہ داری ہے
میں ہوں گمنام بے نشاں تو ہے
سب سے پیاری ہے جان دنیا میں
جان سے بڑھ کے جان جاں تو ہے
آئنے پر نہیں یہ چشم کرم
اپنی صورت کا قدرداں تو ہے
کیا برابر کا جوڑ ہے یہ جلیلؔ
یار نازک ہے ناتواں تو ہے