हुस्न-ए-परी इक जल्वा-ए-मस्ताना है उस का
हुश्यार वही है कि जो दीवाना है उस का
गुल आते हैं हस्ती में अदम से हमा-तन-गोश
बुलबुल का ये नाला नहीं अफ़्साना है उस का
गिर्यां है अगर शम्अ तो सर धुनता है शोला
मालूम हुआ सोख़्ता-परवाना है उस का
वो शोख़ निहाँ-गंज की मानिंद है उस में
मामूरा-ए-आलम जो है वीराना है उस का
जो चश्म कि हैराँ हुई आईना है उस की
जो सीना कि सद चाक हुआ शाना है उस का
दिल क़स्र-ए-शहंशह है वो शोख़ उस में शहंशाह
अर्सा ये दो आलम का जिलौ ख़ाना है उस का
वो याद है उस की कि भुला दे दो जहाँ को
हालत को करे ग़ैर वो याराना है उस का
यूसुफ़ नहीं जो हाथ लगे चंद दिरम से
क़ीमत जो दो आलम की है बैआना है उस का
आवरगी-ए-निकहत-ए-गुल है ये इशारा
जामे से वो बाहर है जो दीवाना है उस का
ये हाल हुआ उस के फ़क़ीरों से हुवैदा
आलूदा-ए-दुनिया जो है बेगाना है उस का
शुकराना-ए-साक़ी-ए-अज़ल करता है 'आतिश'
लबरेज़ मय-ए-शौक़ से पैमाना है उस का
husn-e-parī ik jalva-e-mastāna hai us kā
hushyār vahī hai ki jo dīvāna hai us kā
gul aate haiñ hastī meñ adam se hama-tan-gosh
bulbul kā ye naala nahīñ afsāna hai us kā
giryāñ hai agar sham.a to sar dhuntā hai shola
mālūm huā soḳhta-parvāna hai us kā
vo shoḳh nihāñ-ganj kī mānind hai us meñ
māmūra-e-ālam jo hai vīrāna hai us kā
jo chashm ki hairāñ huī ā.īna hai us kī
jo siina ki sad chaak huā shāna hai us kā
dil qasr-e-shahanshah hai vo shoḳh us meñ shahanshāh
arsa ye do aalam kā jilau ḳhāna hai us kā
vo yaad hai us kī ki bhulā de do jahāñ ko
hālat ko kare ġhair vo yārāna hai us kā
yūsuf nahīñ jo haath lage chand diram se
qīmat jo do aalam kī hai bai.āna hai us kā
āvārgi-e-nik.hat-e-gul hai ye ishāra
jaame se vo bāhar hai jo dīvāna hai us kā
ye haal huā us ke faqīroñ se huvaidā
ālūda-e-duniyā jo hai begāna hai us kā
shukrāna-e-sāqi-e-azal kartā hai 'ātish'
labrez mai-e-shauq se paimāna hai us kā
حسن پری اک جلوۂ مستانہ ہے اس کا
ہشیار وہی ہے کہ جو دیوانہ ہے اس کا
گل آتے ہیں ہستی میں عدم سے ہمہ تن گوش
بلبل کا یہ نالہ نہیں افسانہ ہے اس کا
گریاں ہے اگر شمع تو سر دھنتا ہے شعلہ
معلوم ہوا سوختہ پروانہ ہے اس کا
وہ شوخ نہاں گنج کی مانند ہے اس میں
معمورۂ عالم جو ہے ویرانہ ہے اس کا
جو چشم کہ حیراں ہوئی آئینہ ہے اس کی
جو سینہ کہ صد چاک ہوا شانہ ہے اس کا
دل قصر شہنشہ ہے وہ شوخ اس میں شہنشاہ
عرصہ یہ دو عالم کا جلو خانہ ہے اس کا
وہ یاد ہے اس کی کہ بھلا دے دو جہاں کو
حالت کو کرے غیر وہ یارانہ ہے اس کا
یوسف نہیں جو ہاتھ لگے چند درم سے
قیمت جو دو عالم کی ہے بیعانہ ہے اس کا
آوارگی نکہت گل ہے یہ اشارہ
جامے سے وہ باہر ہے جو دیوانہ ہے اس کا
یہ حال ہوا اس کے فقیروں سے ہویدا
آلودۂ دنیا جو ہے بیگانہ ہے اس کا
شکرانۂ ساقی ازل کرتا ہے آتشؔ
لبریز مئے شوق سے پیمانہ ہے اس کا