हुबाब-आसा में दम भरता हूँ तेरी आश्नाई का
निहायत ग़म है इस क़तरे को दरिया की जुदाई का
असीर ऐ दोस्त तेरे आशिक़ ओ माशूक़ दोनों हैं
गिरफ़्तार आहनी ज़ंजीर का ये वो तिलाई का
त'अल्लुक़ रूह से मुझ को जसद का ना-गवारा है
ज़माने में चलन है चार दिन की आश्नाई का
फ़िराक़-ए-यार में मर मर के आख़िर ज़िंदगानी के
रहा सदमा हमेशा रूह ओ क़ालिब की जुदाई का
हुई मंज़ूर मुहताजी न तुझ को अपनी साइल की
बनाया कासा-ए-सर वाज़गूँ कासा गदाई का
नज़र आती हैं हर-सू सूरतें ही सूरतें मुझ को
कोई आईना-ख़ाना कार-ख़ाना है जुदाई का
विसाल-ए-यार का वा'दा है फ़र्दा-ए-क़यामत पर
यक़ीं मुझ को नहीं है गोर तक अपनी रसाई का
भरोसा आह पर हरगिज़ नहीं ऐ यार आशिक़ को
शिकार अब तक कहीं देखा नहीं तीर-ए-हवाई का
दिखाया हुस्न से एजाज़-ए-मूसी किल्क-ए-क़ुदरत ने
यद-ए-बैज़ा बनाया चूर अंगुश्त-ए-हिनाई का
नहीं मिटती है पत्थर की लकीर अहबाब कहते हैं
रहेगा पा-ए-बुत पर नक़्श अपनी जब्हा-साई का
शिकस्त-ए-ख़ातिर-ए-अहबाब होती है दुरुस्त इस से
तवज्जोह में तिरी ऐ यार असर है मोम्याई का
दिल अपना आईना सा साफ़ इश्क़-ए-पाक रखता है
तमाशा देखता है हुस्न इस में ख़ुद-नुमाई का
कफ़-ए-अफ़्सोस मलवाती है तेरी पाक-दामानी
पिन्हा कर शाहिद-ए-इस्मत को जामा पारसाई का
नहीं देखा है लेकिन तुझ को पहचाना है 'आतिश' ने
बजा है ऐ सनम जो तुझ को दावा है ख़ुदाई का
hubāb-āsā meñ dam bhartā huuñ terī āshnā.ī kā
nihāyat ġham hai is qatre ko dariyā kī judā.ī kā
asiir ai dost tere āshiq o ma.ashūq donoñ haiñ
giraftār āhanī zanjīr kā ye vo tilā.ī kā
ta'alluq ruuh se mujh ko jasad kā nā-gavārā hai
zamāne meñ chalan hai chaar din kī āshnā.ī kā
firāq-e-yār meñ mar mar ke āḳhir zindagānī ke
rahā sadma hamesha ruuh o qālib kī judā.ī kā
huī manzūr muhtājī na tujh ko apnī saa.il kī
banāyā kāsa-e-sar vāzhgūñ kaasa gadā.ī kā
nazar aatī haiñ har-sū sūrateñ hī sūrateñ mujh ko
koī ā.īna-ḳhāna kār-ḳhāna hai judā.ī kā
visāl-e-yār kā va.ada hai fardā-e-qayāmat par
yaqīñ mujh ko nahīñ hai gor tak apnī rasā.ī kā
bharosa aah par hargiz nahīñ ai yaar āshiq ko
shikār ab tak kahīñ dekhā nahīñ tīr-e-havā.ī kā
dikhāyā husn se e.ajāz-e-mūsī cilk-e-qudarat ne
yad-e-baizā banāyā chuur añgusht-e-hinā.ī kā
nahīñ miTtī hai patthar kī lakīr ahbāb kahte haiñ
rahegā pā-e-but par naqsh apnī jab.ha-sā.ī kā
shikast-e-ḳhātir-e-ahbāb hotī hai durust is se
tavajjoh meñ tirī ai yaar asar hai momyā.ī kā
dil apnā ā.īna sā saaf ishq-e-pāk rakhtā hai
tamāshā dekhtā hai husn is meñ ḳhud-numā.ī kā
kaf-e-afsos malvātī hai terī pāk-dāmānī
pinhā kar shāhid-e-ismat ko jaama pārsā.ī kā
nahīñ dekhā hai lekin tujh ko pahchānā hai 'ātish' ne
bajā hai ai sanam jo tujh ko da.avā hai ḳhudā.ī kā
حباب آسا میں دم بھرتا ہوں تیری آشنائی کا
نہایت غم ہے اس قطرے کو دریا کی جدائی کا
اسیر اے دوست تیرے عاشق و معشوق دونوں ہیں
گرفتار آہنی زنجیر کا یہ وہ طلائی کا
تعلق روح سے مجھ کو جسد کا نا گوارا ہے
زمانے میں چلن ہے چار دن کی آشنائی کا
فراق یار میں مر مر کے آخر زندگانی کے
رہا صدمہ ہمیشہ روح و قالب کی جدائی کا
ہوئی منظور محتاجی نہ تجھ کو اپنی سائل کی
بنایا کاسۂ سر واژگوں کاسہ گدائی کا
نظر آتی ہیں ہر سو صورتیں ہی صورتیں مجھ کو
کوئی آئینہ خانہ کارخانہ ہے جدائی کا
وصال یار کا وعدہ ہے فردائے قیامت پر
یقیں مجھ کو نہیں ہے گور تک اپنی رسائی کا
بھروسہ آہ پر ہرگز نہیں اے یار عاشق کو
شکار اب تک کہیں دیکھا نہیں تیر ہوائی کا
دکھایا حسن سے اعجاز موسی کلک قدرت نے
ید بیضا بنایا چور انگشت حنائی کا
نہیں مٹتی ہے پتھر کی لکیر احباب کہتے ہیں
رہے گا پائے بت پر نقش اپنی جبہہ سائی کا
شکست خاطر احباب ہوتی ہے درست اس سے
توجہ میں تری اے یار اثر ہے مومیائی کا
دل اپنا آئینہ سا صاف عشق پاک رکھتا ہے
تماشا دیکھتا ہے حسن اس میں خود نمائی کا
کف افسوس ملواتی ہے تیری پاک دامانی
پنہا کر شاہد عصمت کو جامہ پارسائی کا
نہیں دیکھا ہے لیکن تجھ کو پہچانا ہے آتشؔ نے
بجا ہے اے صنم جو تجھ کو دعویٰ ہے خدائی کا