हुआ जब सामना उस ख़ूब-रू से
उड़ा है रंग गुल का पहले बू से
ये आँखें तर जो रहती हैं लहू से
वो गुज़रे इश्क़ के दिन आबरू से
इसे कहिए शहादत-नामा-ए-इश्क़
उसे लिक्खा है ख़त अपने लहू से
धुआँ बन कर उड़ी मिस्सी की रंगत
ये किस ने जल के तेरे होंट चूसे
रक़ीबों को तमन्ना है तो बाशद
तुम्हें मतलब पराई आरज़ू से
वो गुल-तकिया मिरे मरक़द में रखना
मोअ'त्तर हो जो ज़ुल्फ़-ए-मुश्क-बू से
नई ज़िद है कि दिल हम मुफ़्त लेंगे
भला क्या फ़ाएदा इस गुफ़्तुगू से
अदू भी तुम को चाहे ऐ तिरी शान
लड़ाते हैं हम अपनी आरज़ू से
हुआ है तू तो शाहिद-बाज़ ऐ दिल
बचाऊँ तुझ को किस किस ख़ूब-रू से
लगा रक्खी है ख़ाक उस रहगुज़र की
तयम्मुम अपना बढ़ कर है वुज़ू से
हमारा दिल उसे अब ढूँडता है
थके हैं पाँव जिस की जुस्तुजू से
ख़ुदा जाने छलावा था कि बिजली
अभी निकला है कोई रू-ब-रू से
हुआ है 'दाग़' आसिफ़ का नमक-ख़्वार
गुज़र जाए इलाही आबरू से
huā jab sāmnā us ḳhūb-rū se
uḌā hai rañg gul kā pahle bū se
ye āñkheñ tar jo rahtī haiñ lahū se
vo guzre ishq ke din aabrū se
ise kahiye shahādat-nāma-e-ishq
use likkhā hai ḳhat apne lahū se
dhuāñ ban kar uḌī missī kī rañgat
ye kis ne jal ke tere hoñT chūse
raqīboñ ko tamannā hai to bāshad
tumheñ matlab parā.ī aarzū se
vo gul-takiya mire marqad meñ rakhnā
mo.attar ho jo zulf-e-mushk-bū se
na.ī zid hai ki dil ham muft leñge
bhalā kyā fā.eda is guftugū se
adū bhī tum ko chāhe ai tirī shaan
laḌāte haiñ ham apnī aarzū se
huā hai tū to shāhid-bāz ai dil
bachā.ūñ tujh ko kis kis ḳhūb-rū se
lagā rakkhī hai ḳhaak us rahguzar kī
tayammum apnā baḌh kar hai vuzū se
hamārā dil use ab DhūñDtā hai
thake haiñ paañv jis kī justujū se
ḳhudā jaane chhalāvā thā ki bijlī
abhī niklā hai koī rū-ba-rū se
huā hai 'dāġh' aasif kā namak-ḳhvār
guzar jaa.e ilāhī aabrū se
ہوا جب سامنا اس خوب رو سے
اڑا ہے رنگ گل کا پہلے بو سے
یہ آنکھیں تر جو رہتی ہیں لہو سے
وہ گزرے عشق کے دن آبرو سے
اسے کہئے شہادت نامۂ عشق
اسے لکھا ہے خط اپنے لہو سے
دھواں بن کر اڑی مسی کی رنگت
یہ کس نے جل کے تیرے ہونٹ چوسے
رقیبوں کو تمنا ہے تو باشد
تمہیں مطلب پرائی آرزو سے
وہ گل تکیہ مرے مرقد میں رکھنا
معطر ہو جو زلف مشک بو سے
نئی ضد ہے کہ دل ہم مفت لیں گے
بھلا کیا فائدہ اس گفتگو سے
عدو بھی تم کو چاہے اے تری شان
لڑاتے ہیں ہم اپنی آرزو سے
ہوا ہے تو تو شاہد باز اے دل
بچاؤں تجھ کو کس کس خوب رو سے
لگا رکھی ہے خاک اس رہ گزر کی
تیمم اپنا بڑھ کر ہے وضو سے
ہمارا دل اسے اب ڈھونڈتا ہے
تھکے ہیں پاؤں جس کی جستجو سے
خدا جانے چھلاوا تھا کہ بجلی
ابھی نکلا ہے کوئی روبرو سے
ہوا ہے داغؔ آصف کا نمک خوار
گزر جائے الٰہی آبرو سے