होश-ओ-ख़िरद में आग लगा दी ख़िरमन-ए-कैफ़-ओ-कम को जलाया
शो'ला बने और सीने से लिपटे आप जले और हम को जलाया
जिस को कहें घर फूँक तमाशा बस वो तमाशा आप ने देखा
आप की बिजली ख़ुश है कि उस ने मुश्त-ए-ख़स-ए-आदम को जलाया
ग़ैर को झिड़की हम पे इनायत हो गई आख़िर जान को आफ़त
बज़्म-ए-अज़ल में तुम ने बुला कर किस लिए ना-महरम को जलाया
ज़िंदगी अपनी यास-ओ-तमन्ना आग पे आग और शो'ले पे शो'ला
दिल को हमारे ग़म से जला कर शो'ला-रूख़ से ग़म को जलाया
कैसी जलन थी कैसी जलन है जल चुके फिर भी जल न चुकते
काश कोई यूँ तुम को जलाए जैसे कि तुम ने हम को जलाया
आग है बिजली आग हैं ज़र्रे आग है सूरज आग हैं तारे
हम ने न की थी शोख़-निगाही आप ने क्यों आलम को जलाया
hosh-o-ḳhirad meñ aag lagā dī ḳhirman-e-kaif-o-kam ko jalāyā
sho.ala bane aur siine se lipTe aap jale aur ham ko jalāyā
jis ko kaheñ ghar phūñk tamāshā bas vo tamāshā aap ne dekhā
aap kī bijlī ḳhush hai ki us ne musht-e-ḳhas-e-ādam ko jalāyā
ġhair ko jhiḌkī ham pe ināyat ho ga.ī āḳhir jaan ko aafat
bazm-e-azal meñ tum ne bulā kar kis liye nā-mahram ko jalāyā
zindagī apnī yās-o-tamanna aag pe aag aur sho'le pe sho.ala
dil ko hamāre ġham se jalā kar sho.ala-ruḳh se ġham ko jalāyā
kaisī jalan thī kaisī jalan hai jal chuke phir bhī jal na chukte
kaash koī yuuñ tum ko jalā.e jaise ki tum ne ham ko jalāyā
aag hai bijlī aag haiñ zarre aag hai sūraj aag haiñ taare
ham ne na kī thī shoḳh-nigāhī aap ne kyoñ aalam ko jalāyā
ہوش و خرد میں آگ لگا دی خرمن کیف و کم کو جلایا
شعلہ بنے اور سینے سے لپٹے آپ جلے اور ہم کو جلایا
جس کو کہیں گھر پھونک تماشا بس وہ تماشا آپ نے دیکھا
آپ کی بجلی خوش ہے کہ اس نے مشت خس آدم کو جلایا
غیر کو جھڑکی ہم پہ عنایت ہو گئی آخر جان کو آفت
بزم ازل میں تم نے بلا کر کس لئے نامحرم کو جلایا
زندگی اپنی یاس و تمنا آگ پہ آگ اور شعلے پہ شعلہ
دل کو ہمارے غم سے جلا کر شعلہ رخ سے غم کو جلایا
کیسی جلن تھی کیسی جلن ہے جل چکے پھر بھی جل نہ چکتے
کاش کوئی یوں تم کو جلائے جیسے کہ تم نے ہم کو جلایا
آگ ہے بجلی آگ ہیں ذرے آگ ہے سورج آگ ہیں تارے
ہم نے نہ کی تھی شوخ نگاہی آپ نے کیوں عالم کو جلایا