हो गया हल ज़िंदगी का मसअला जो मुझ में था
ख़ामुशी से इक परिंदा उड़ गया जो मुझ में था
‘अक्स-अंदर-‘अक्स ख़ुद तो देखता रहता था कौन
आइना-दर-आइना वो कौन था जो मुझ में था
अपने काँधे पर उठाए बे-कराँ ग़म की सलीब
चल दिया बे-सम्तियों में क़ाफ़िला जो मुझ में था
वक़्त के खे़मे से बाहर कौन आ कर देखता
मौसमों का वो सुलगता सिलसिला जो मुझ में था
जिस का साया दूर कर देता था दिन-भर की थकन
वो शजर पहले तो सूखा फिर जला जो मुझ में था
मुज़्तरिब लम्हात को तस्कीन देने के लिए
मैं ने ख़ुद ही तोड़ डाला आइना जो मुझ में था
किस ने सोचा था वही कड़वा धुआँ बन जाएगा
सब्ज़ पेड़ों का घनेरा सिलसिला जो मुझ में था
शब के सन्नाटे में सुनता था जिसे मैं सुब्ह तक
'रिंद' वो कर्ब-ए-अना का शोर था जो मुझ में था
ho gayā hal zindagī kā mas.ala jo mujh meñ thā
ḳhāmushī se ik parinda uḌ gayā jo mujh meñ thā
‘aks-andar-‘aks ḳhud to dekhtā rahtā thā kaun
ā.ina-dar-ā.ina vo kaun thā jo mujh meñ thā
apne kāñdhe par uThā.e be-karāñ ġham kī salīb
chal diyā be-samtiyoñ meñ qāfila jo mujh meñ thā
vaqt ke ḳheme se bāhar kaun aa kar dekhtā
mausamoñ kā vo sulagtā silsila jo mujh meñ thā
jis kā saaya duur kar detā thā din-bhar kī thakan
vo shajar pahle to sūkhā phir jalā jo mujh meñ thā
muztarib lamhāt ko taskīn dene ke liye
maiñ ne ḳhud hī toḌ Daalā aa.ina jo mujh meñ thā
kis ne sochā thā vahī kaḌvā dhuāñ ban jā.egā
sabz peḌoñ kā ghanerā silsila jo mujh meñ thā
shab ke sannāTe meñ suntā thā jise maiñ sub.h tak
'rind' vo karb-e-anā kā shor thā jo mujh meñ thā
ہو گیا حل زندگی کا مسئلہ جو مجھ میں تھا
خامشی سے اک پرندہ اڑ گیا جو مجھ میں تھا
عکس اندر عکس خود تو دیکھتا رہتا تھا کون
آئنہ در آئنہ وہ کون تھا جو مجھ میں تھا
اپنے کاندھے پر اٹھائے بے کراں غم کی صلیب
چل دیا بے سمتیوں میں قافلہ جو مجھ میں تھا
وقت کے خیمے سے باہر کون آ کر دیکھتا
موسموں کا وہ سلگتا سلسلہ جو مجھ میں تھا
جس کا سایہ دور کر دیتا تھا دن بھر کی تھکن
وہ شجر پہلے تو سوکھا پھر جلا جو مجھ میں تھا
مضطرب لمحات کو تسکین دینے کے لیے
میں نے خود ہی توڑ ڈالا آئنہ جو مجھ میں تھا
کس نے سوچا تھا وہی کڑوا دھواں بن جائے گا
سبز پیڑوں کا گھنیرا سلسلہ جو مجھ میں تھا
شب کے سناٹے میں سنتا تھا جسے میں صبح تک
رندؔ وہ کرب انا کا شور تھا جو مجھ میں تھا