हिजाब बन के वो मेरी नज़र में रहता है
मुझी से पर्दा है मेरे ही घर में रहता है
कभी किसी का तजस्सुस कभी ख़ुद अपनी तलाश
अजीब दिल है हमेशा सफ़र में रहता है
जिसे ख़याल से छूते हुए भी डरता हूँ
इक ऐसा हुस्न भी मेरी नज़र में रहता है
जिसे किसी से कोई वास्ता नहीं होता
सुकूँ के साथ वही अपने घर में रहता है
जिस एक लम्हे से सदियाँ बदलती जाती हैं
वो एक लम्हा मुसलसल सफ़र में रहता है
तमाम शहर को है जिस पे नाज़ ऐ 'जौहर'
इक ऐसा शख़्स हमारे नगर में रहता है
hijāb ban ke vo merī nazar meñ rahtā hai
mujhī se parda hai mere hī ghar meñ rahtā hai
kabhī kisī kā tajassus kabhī ḳhud apnī talāsh
ajiib dil hai hamesha safar meñ rahtā hai
jise ḳhayāl se chhūte hue bhī Dartā huuñ
ik aisā husn bhī merī nazar meñ rahtā hai
jise kisī se koī vāsta nahīñ hotā
sukūñ ke saath vahī apne ghar meñ rahtā hai
jis ek lamhe se sadiyāñ badaltī jaatī haiñ
vo ek lamha musalsal safar meñ rahtā hai
tamām shahr ko hai jis pe naaz ai 'jauhar'
ik aisā shaḳhs hamāre nagar meñ rahtā hai
حجاب بن کے وہ میری نظر میں رہتا ہے
مجھی سے پردہ ہے میرے ہی گھر میں رہتا ہے
کبھی کسی کا تجسس کبھی خود اپنی تلاش
عجیب دل ہے ہمیشہ سفر میں رہتا ہے
جسے خیال سے چھوتے ہوئے بھی ڈرتا ہوں
اک ایسا حسن بھی میری نظر میں رہتا ہے
جسے کسی سے کوئی واسطہ نہیں ہوتا
سکوں کے ساتھ وہی اپنے گھر میں رہتا ہے
جس ایک لمحے سے صدیاں بدلتی جاتی ہیں
وہ ایک لمحہ مسلسل سفر میں رہتا ہے
تمام شہر کو ہے جس پہ ناز اے جوہرؔ
اک ایسا شخص ہمارے نگر میں رہتا ہے