हज़ार बंदिश-ए-औक़ात से निकलता है
ये दिन नहीं जो मिरी रात से निकलता है
वो रौशनी में भी होता नहीं कहीं मौजूद
जो रंग माह-ए-मुलाक़ात से निकलता है
मुझे बहुत है जो ख़ुशबू का एक झोंका सा
कभी कभी तिरे बाग़ात से निकलता है
इसी नवाह में आबाद हूँ कहीं मैं भी
धुआँ जो मेरे मज़ाफ़ात से निकलता है
दिल और तरहा के हालात से उलझता हुआ
कुछ और तरहा के हालात से निकलता है
सुबूत सारा हमारे ख़िलाफ़ भी अब तो
हमारे अपने बयानात से निकलता है
जो चारों सम्त गिरानी की है फ़रावानी
तो क़हत भी इसी बुहतात से निकलता है
वो लहन जिस का सरोकार ही नहीं मुझ से
कभी तो वो भी मिरी ज़ात से निकलता है
'ज़फ़र' ये बाइस-ए-तशवीश भी है सब के लिए
जो मतलब और मिरी बात से निकलता है
hazār bandish-e-auqāt se nikaltā hai
ye din nahīñ jo mirī raat se nikaltā hai
vo raushnī meñ bhī hotā nahīñ kahīñ maujūd
jo rañg māh-e-mulāqāt se nikaltā hai
mujhe bahut hai jo ḳhushbū kā ek jhoñkā sā
kabhī kabhī tire bāġhāt se nikaltā hai
isī navāh meñ ābād huuñ kahīñ maiñ bhī
dhuāñ jo mere mazāfāt se nikaltā hai
dil aur tarha ke hālāt se ulajhtā huā
kuchh aur tarha ke hālāt se nikaltā hai
subūt saarā hamāre ḳhilāf bhī ab to
hamāre apne bayānāt se nikaltā hai
jo chāroñ samt girānī kī hai farāvānī
to qahat bhī isī buhtāt se nikaltā hai
vo lahn jis kā sarokār hī nahīñ mujh se
kabhī to vo bhī mirī zaat se nikaltā hai
'zafar' ye bā.is-e-tashvīsh bhī hai sab ke liye
jo matlab aur mirī baat se nikaltā hai
ہزار بندش اوقات سے نکلتا ہے
یہ دن نہیں جو مری رات سے نکلتا ہے
وہ روشنی میں بھی ہوتا نہیں کہیں موجود
جو رنگ ماہ ملاقات سے نکلتا ہے
مجھے بہت ہے جو خوشبو کا ایک جھونکا سا
کبھی کبھی ترے باغات سے نکلتا ہے
اسی نواح میں آباد ہوں کہیں میں بھی
دھواں جو میرے مضافات سے نکلتا ہے
دل اور طرح کے حالات سے الجھتا ہوا
کچھ اور طرح کے حالات سے نکلتا ہے
ثبوت سارا ہمارے خلاف بھی اب تو
ہمارے اپنے بیانات سے نکلتا ہے
جو چاروں سمت گرانی کی ہے فراوانی
تو قحط بھی اسی بہتات سے نکلتا ہے
وہ لحن جس کا سروکار ہی نہیں مجھ سے
کبھی تو وہ بھی مری ذات سے نکلتا ہے
ظفرؔ یہ باعث تشویش بھی ہے سب کے لیے
جو مطلب اور مری بات سے نکلتا ہے