हवा थी और गिरह-दर-गिरह ख़याल उस के
बिखर रहे थे कहीं नर्म-ओ-ख़ुश्क बाल उस के
मैं उस को देख तो सकता नहीं मगर दिन रात
मिरे लहू में लरज़ते हैं ख़द्द-ओ-ख़ाल उस के
दिलों का रब्त मुलाक़ात पर नहीं मौक़ूफ़
कि मेरी ज़ात से रिश्ते हैं ला-ज़वाल उस के
दिया फ़रेब तो बदले में ले लिया सब कुछ
कभी सुनो तो करिश्मे हैं बे-मिसाल उस के
मैं उस से बच के निकलना तो चाहता था मगर
रविश रविश यहाँ फैले हुए थे जाल उस के
अगर वही है तो बतलाओ किस तरह आख़िर
मिरे बग़ैर गुज़रते हैं माह-ओ-साल उस के
मिले तो चूम लूँ उस की उदासियाँ कि 'ज़फ़र'
'अज़ीज़-तर मुझे उस से भी हैं मलाल उस के
havā thī aur girah-dar-girah ḳhayāl us ke
bikhar rahe the kahīñ narm-o-ḳhushk baal us ke
maiñ us ko dekh to saktā nahīñ magar din raat
mire lahū meñ larazte haiñ ḳhadd-o-ḳhāl us ke
diloñ kā rabt mulāqāt par nahīñ mauqūf
ki merī zaat se rishte haiñ lā-zavāl us ke
diyā fareb to badle meñ le liyā sab kuchh
kabhī suno to karishme haiñ be-misāl us ke
maiñ us se bach ke nikalnā to chāhtā thā magar
ravish ravish yahāñ phaile hue the jaal us ke
agar vahī hai to batlāo kis tarah āḳhir
mire baġhair guzarte haiñ māh-o-sāl us ke
mile to chuum luuñ us kī udāsiyāñ ki 'zafar'
'azīz-tar mujhe us se bhī haiñ malāl us ke
ہوا تھی اور گرہ در گرہ خیال اس کے
بکھر رہے تھے کہیں نرم و خشک بال اس کے
میں اس کو دیکھ تو سکتا نہیں مگر دن رات
مرے لہو میں لرزتے ہیں خد و خال اس کے
دلوں کا ربط ملاقات پر نہیں موقوف
کہ میری ذات سے رشتے ہیں لازوال اس کے
دیا فریب تو بدلے میں لے لیا سب کچھ
کبھی سنو تو کرشمے ہیں بے مثال اس کے
میں اس سے بچ کے نکلنا تو چاہتا تھا مگر
روش روش یہاں پھیلے ہوئے تھے جال اس کے
اگر وہی ہے تو بتلاؤ کس طرح آخر
مرے بغیر گزرتے ہیں ماہ و سال اس کے
ملے تو چوم لوں اس کی اداسیاں کہ ظفرؔ
عزیز تر مجھے اس سے بھی ہیں ملال اس کے