हवा-ए-दौर-ए-मय-ए-ख़ुश-गवार राह में है
ख़िज़ाँ चमन से है जाती बहार राह में है
गदा-नवाज़ कोई शहसवार राह में है
बुलंद आज निहायत ग़ुबार राह में है
अदम के कूच की लाज़िम है फ़िक्र हस्ती में
न कोई शहर न कोई दयार राह में है
न बदरक़ा है न कोई रफ़ीक़ साथ अपने
फ़क़त इनायत-ए-परवर-दिगार राह में है
सफ़र है शर्त मुसाफ़िर-नवाज़ बहुतेरे
हज़ार-हा शजर-ए-साया-दार राह में है
मक़ाम तक भी हम अपने पहुँच ही जाएँगे
ख़ुदा तो दोस्त है दुश्मन हज़ार राह में है
थकें जो पाँव तो चल सर के बल न ठहर 'आतिश'
गुल-ए-मुराद है मंज़िल में ख़ार राह में है
havā-e-daur-e-mai-e-ḳhush-gavār raah meñ hai
ḳhizāñ chaman se hai jaatī bahār raah meñ hai
gadā-navāz koī shahsavār raah meñ hai
buland aaj nihāyat ġhubār raah meñ hai
adam ke kuuch kī lāzim hai fikr hastī meñ
na koī shahr na koī dayār raah meñ hai
na badraqa hai na koī rafīq saath apne
faqat inā.yat-e-parvar-digār raah meñ hai
safar hai shart musāfir-navāz bahutere
hazār-hā shajar-e-sāya-dār raah meñ hai
maqām tak bhī ham apne pahuñch hī jā.eñge
ḳhudā to dost hai dushman hazār raah meñ hai
thakeñ jo paañv to chal sar ke bal na Thahr 'ātish'
gul-e-murād hai manzil meñ ḳhaar raah meñ hai
ہوائے دور مے خوش گوار راہ میں ہے
خزاں چمن سے ہے جاتی بہار راہ میں ہے
گدا نواز کوئی شہسوار راہ میں ہے
بلند آج نہایت غبار راہ میں ہے
عدم کے کوچ کی لازم ہے فکر ہستی میں
نہ کوئی شہر نہ کوئی دیار راہ میں ہے
نہ بدرقہ ہے نہ کوئی رفیق ساتھ اپنے
فقط عنایت پروردگار راہ میں ہے
سفر ہے شرط مسافر نواز بہتیرے
ہزار ہا شجر سایہ دار راہ میں ہے
مقام تک بھی ہم اپنے پہنچ ہی جائیں گے
خدا تو دوست ہے دشمن ہزار راہ میں ہے
تھکیں جو پاؤں تو چل سر کے بل نہ ٹھہر آتشؔ
گل مراد ہے منزل میں خار راہ میں ہے