हवा बहुत है मता-ए-सफ़र सँभाल के रख
दरीदा चादर-ए-जाँ है मगर सँभाल के रख
फिर उस के बा'द तो क़द्रें इन्हीं पे उट्ठेंगी
कुछ और रोज़ ये दीवार-ओ-दर सँभाल के रख
अभी उड़ान के सौ इम्तिहान बाक़ी हैं
इन आँधियों में ज़रा बाल-ओ-पर सँभाल के रख
ये अहद काँप रहा है ज़मीं के अंदर तक
तू अपना हाथ भी दीवार पर सँभाल के रख
पढ़ेंगे लोग इन्हीं में कहानियाँ तेरी
कुछ और रोज़ ये दामान-ए-तर सँभाल के रख
हवा के एक ही झोंके की देर है 'क़ैसर'
किसी भी ताक़ पे शम-ए-सहर सँभाल के रख
havā bahut hai matā-e-safar sambhāl ke rakh
darīda chādar-e-jāñ hai magar sambhāl ke rakh
phir us ke ba.ad to qadreñ inhīñ pe uTTheñgī
kuchh aur roz ye dīvār-o-dar sambhāl ke rakh
abhī uḌaan ke sau imtihān baaqī haiñ
in āñdhiyoñ meñ zarā bāl-o-par sambhāl ke rakh
ye ahd kaañp rahā hai zamīñ ke andar tak
tū apnā haath bhī dīvār par sambhāl ke rakh
paḌheñge log inhīñ meñ kahāniyāñ terī
kuchh aur roz ye dāmān-e-tar sambhāl ke rakh
havā ke ek hī jhoñke kī der hai 'qaisar'
kisī bhī taaq pe sham-e-sahar sambhāl ke rakh
ہوا بہت ہے متاع سفر سنبھال کے رکھ
دریدہ چادر جاں ہے مگر سنبھال کے رکھ
پھر اس کے بعد تو قدریں انہیں پہ اٹھیں گی
کچھ اور روز یہ دیوار و در سنبھال کے رکھ
ابھی اڑان کے سو امتحان باقی ہیں
ان آندھیوں میں ذرا بال و پر سنبھال کے رکھ
یہ عہد کانپ رہا ہے زمیں کے اندر تک
تو اپنا ہاتھ بھی دیوار پر سنبھال کے رکھ
پڑھیں گے لوگ انہیں میں کہانیاں تیری
کچھ اور روز یہ دامان تر سنبھال کے رکھ
ہوا کے ایک ہی جھونکے کی دیر ہے قیصرؔ
کسی بھی طاق پہ شمع سحر سنبھال کے رکھ