हवा बदल गई उस बेवफ़ा के होने से
वगरना ख़ल्क़ तो ख़ुश थी ख़ुदा के होने से
ख़बर नहीं मुझे मतलूब और क्या है कि मैं
ज़ियादा ख़ुश नहीं अर्ज़ ओ समा के होने से
हमेशा बर-सर-ए-पैकार हूँ कहीं न कहीं
मुझे 'इलाक़ा नहीं बच-बचा के होने से
ये शो'ला दिल से अलग हो के भी निकल आया
कुछ आग फैल गई है हवा के होने से
ये शहर कुछ भी मज़ाफ़ात के बग़ैर नहीं
वजूद अस्ल में है मावरा के होने से
जुदाई छोड़ती रहती है वस्ल की ख़ुशबू
मैं ज़िंदा रहता हूँ अक्सर क़ज़ा के होने से
मैं पुर्ज़ा पुर्ज़ा पड़ा हूँ जहाँ-तहाँ हर सम्त
ख़फ़ा सभी हैं मिरे जा-ब-जा के होने से
ज़रूरतें ही मिरी हो नहीं रहीं पूरी
रुका है क़ाफ़िला इक बे-नवा के होने से
जो रह गई है ये एक आँच की कसर तो 'ज़फ़र'
वो ज़र-गरी थी किसी कीमिया के होने से
havā badal ga.ī us bevafā ke hone se
vagarna ḳhalq to ḳhush thī ḳhudā ke hone se
ḳhabar nahīñ mujhe matlūb aur kyā hai ki maiñ
ziyāda ḳhush nahīñ arz o samā ke hone se
hamesha bar-sar-e-paikār huuñ kahīñ na kahīñ
mujhe 'ilāqa nahīñ bach-bachā ke hone se
ye sho'la dil se alag ho ke bhī nikal aayā
kuchh aag phail ga.ī hai havā ke hone se
ye shahr kuchh bhī mazāfāt ke baġhair nahīñ
vajūd asl meñ hai māvarā ke hone se
judā.ī chhoḌtī rahtī hai vasl kī ḳhushbū
maiñ zinda rahtā huuñ aksar qazā ke hone se
maiñ purza purza paḌā huuñ jahāñ-tahāñ har samt
ḳhafā sabhī haiñ mire jā-ba-jā ke hone se
zarūrateñ hī mirī ho nahīñ rahīñ puurī
rukā hai qāfila ik be-navā ke hone se
jo rah ga.ī hai ye ek aañch kī kasar to 'zafar'
vo zar-garī thī kisī kīmiyā ke hone se
ہوا بدل گئی اس بے وفا کے ہونے سے
وگرنہ خلق تو خوش تھی خدا کے ہونے سے
خبر نہیں مجھے مطلوب اور کیا ہے کہ میں
زیادہ خوش نہیں ارض و سما کے ہونے سے
ہمیشہ بر سر پیکار ہوں کہیں نہ کہیں
مجھے علاقہ نہیں بچ بچا کے ہونے سے
یہ شعلہ دل سے الگ ہو کے بھی نکل آیا
کچھ آگ پھیل گئی ہے ہوا کے ہونے سے
یہ شہر کچھ بھی مضافات کے بغیر نہیں
وجود اصل میں ہے ماورا کے ہونے سے
جدائی چھوڑتی رہتی ہے وصل کی خوشبو
میں زندہ رہتا ہوں اکثر قضا کے ہونے سے
میں پرزہ پرزہ پڑا ہوں جہاں تہاں ہر سمت
خفا سبھی ہیں مرے جا بجا کے ہونے سے
ضرورتیں ہی مری ہو نہیں رہیں پوری
رکا ہے قافلہ اک بے نوا کے ہونے سے
جو رہ گئی ہے یہ ایک آنچ کی کسر تو ظفرؔ
وہ زرگری تھی کسی کیمیا کے ہونے سے