हस्ती है अदम मिरी नज़र में
सूझी है ये एक उम्र भर में
ओ आँख चुरा के जाने वाले
हम भी थे कभी तिरी नज़र में
फैलाती है पाँव हसरत-ए-दीद
ठंडक जो मिली है चश्म-ए-तर में
कोई न हिजाब काम आया
देखा तो वो थे मिरी नज़र में
कम-ज़र्फ़ थे सारे ग़ुंचा ओ गुल
क्या फूले हैं एक मुश्त-ए-ज़र में
इतना भी न हो कोई हयादार
देखा तो समा गए नज़र में
तारे ये नहीं हैं आख़िर-ए-शब
कुछ फूल हैं दामन-ए-सहर में
है उम्र-ए-रवाँ का शम्अ में रंग
घर बैठे गुज़रती है सफ़र में
दुनिया है 'जलील' हाथ उठाए
बैठे हैं किसी की रहगुज़र में
hastī hai adam mirī nazar meñ
sūjhī hai ye ek umr bhar meñ
o aañkh churā ke jaane vaale
ham bhī the kabhī tirī nazar meñ
phailātī hai paañv hasrat-e-dīd
ThanDak jo milī hai chashm-e-tar meñ
koī na hijāb kaam aayā
dekhā to vo the mirī nazar meñ
kam-zarf the saare ġhuncha o gul
kyā phūle haiñ ek musht-e-zar meñ
itnā bhī na ho koī hayā-dār
dekhā to samā ga.e nazar meñ
taare ye nahīñ haiñ āḳhir-e-shab
kuchh phuul haiñ dāman-e-sahar meñ
hai umr-e-ravāñ kā sham.a meñ rañg
ghar baiThe guzartī hai safar meñ
duniyā hai 'jalīl' haath uThā.e
baiThe haiñ kisī kī rahguzar meñ
ہستی ہے عدم مری نظر میں
سوجھی ہے یہ ایک عمر بھر میں
او آنکھ چرا کے جانے والے
ہم بھی تھے کبھی تری نظر میں
پھیلاتی ہے پاؤں حسرت دید
ٹھنڈک جو ملی ہے چشم تر میں
کوئی نہ حجاب کام آیا
دیکھا تو وہ تھے مری نظر میں
کم ظرف تھے سارے غنچہ و گل
کیا پھولے ہیں ایک مشت زر میں
اتنا بھی نہ ہو کوئی حیا دار
دیکھا تو سما گئے نظر میں
تارے یہ نہیں ہیں آخر شب
کچھ پھول ہیں دامن سحر میں
ہے عمر رواں کا شمع میں رنگ
گھر بیٹھے گزرتی ہے سفر میں
دنیا ہے جلیلؔ ہاتھ اٹھائے
بیٹھے ہیں کسی کی رہ گزر میں