हसरत-ए-जल्वा-ए-दीदार लिए फिरती है
पेश-ए-रोज़न पस-ए-दीवार लिए फिरती है
इस मशक़्क़त से उसे ख़ाक न होगा हासिल
जान अबस जिस्म की बे-कार लिए फिरती है
देखने देती नहीं उस को मुझे बे-होशी
साथ क्या अपने ये दीवार लिए फिरती है
किसी फ़ासिक़ के तू मुँह को न करेगी काला
क्यूँ सियाही ये शब-ए-तार लिए फिरती है
तू निकलता नहीं शमशीर-ब-कफ़ ऐ क़ातिल
मौत मेरे लिए तलवार लिए फिरती है
माल-ए-मुफ़्लिस मुझे समझा है जुनूँ ने शायद
वहशत-ए-दिल सर-ए-बाज़ार लिए फिरती है
काबा ओ दैर में वो ख़ाना-बरअंदाज़ कहाँ
गर्दिश-ए-काफ़िर-ओ-दीं-दार लिए फिरती है
रंज लिक्खा है नसीबों में मिरे राहत से
ख़्वाब में भी हवस-ए-यार लिए फिरती है
चाल में इस की सरापा है किसी की तक़लीद
कब्क को यार की रफ़्तार लिए फिरती है
दर-ए-यार आए ठिकाने लगे मिट्टी मेरी
दोश पर अपने सबा बार लिए फिरती है
हँसते हैं देख के मजनूँ को गुल-ए-सहराई
पा-बरहना तलब-ए-ख़ार लिए फिरती है
साया सा हुस्न के हम-राह है इश्क़-ए-बेबाक
साथ ये जिंस-ए-ख़रीदार लिए फिरती है
किसी सूरत से नहीं जाँ को फ़रार ऐ 'आतिश'
तपिश-ए-दिल मुझे लाचार लिए फिरती है
hasrat-e-jalva-e-dīdār liye phirtī hai
pesh-e-rozan pas-e-dīvār liye phirtī hai
is mashaqqat se use ḳhaak na hogā hāsil
jaan abas jism kī be-kār liye phirtī hai
dekhne detī nahīñ us ko mujhe be-hoshī
saath kyā apne ye dīvār liye phirtī hai
kisī fāsiq ke tū muñh ko na karegī kaalā
kyuuñ siyāhī ye shab-e-tār liye phirtī hai
tū nikaltā nahīñ shamshīr-ba-kaf ai qātil
maut mere liye talvār liye phirtī hai
māl-e-muflis mujhe samjhā hai junūñ ne shāyad
vahshat-e-dil sar-e-bāzār liye phirtī hai
ka.aba o dair meñ vo ḳhāna-barandāz kahāñ
gardish-e-kāfir-o-dīñ-dār liye phirtī hai
rañj likkhā hai nasīboñ meñ mire rāhat se
ḳhvāb meñ bhī havas-e-yār liye phirtī hai
chaal meñ is kī sarāpā hai kisī kī taqlīd
kabk ko yaar kī raftār liye phirtī hai
dar-e-yār aa.e Thikāne lage miTTī merī
dosh par apne sabā baar liye phirtī hai
hañste haiñ dekh ke majnūñ ko gul-e-sahrā.ī
pā-barahna talab-e-ḳhār liye phirtī hai
saaya sā husn ke ham-rāh hai ishq-e-bebāk
saath ye jins-e-ḳharīdār liye phirtī hai
kisī sūrat se nahīñ jaañ ko farār ai 'ātish'
tapish-e-dil mujhe lāchār liye phirtī hai
حسرت جلوۂ دیدار لیے پھرتی ہے
پیش روزن پس دیوار لیے پھرتی ہے
اس مشقت سے اسے خاک نہ ہوگا حاصل
جان عبث جسم کی بیکار لیے پھرتی ہے
دیکھنے دیتی نہیں اس کو مجھے بے ہوشی
ساتھ کیا اپنے یہ دیوار لیے پھرتی ہے
کسی فاسق کے تو منہ کو نہ کرے گی کالا
کیوں سیاہی یہ شب تار لیے پھرتی ہے
تو نکلتا نہیں شمشیر بکف اے قاتل
موت میرے لیے تلوار لیے پھرتی ہے
مال مفلس مجھے سمجھا ہے جنوں نے شاید
وحشت دل سر بازار لیے پھرتی ہے
کعبہ و دیر میں وہ خانہ برانداز کہاں
گردش کافر و دیں دار لیے پھرتی ہے
رنج لکھا ہے نصیبوں میں مرے راحت سے
خواب میں بھی ہوس یار لیے پھرتی ہے
چال میں اس کی سراپا ہے کسی کی تقلید
کبک کو یار کی رفتار لیے پھرتی ہے
در یار آئے ٹھکانے لگے مٹی میری
دوش پر اپنے صبا بار لیے پھرتی ہے
ہنستے ہیں دیکھ کے مجنوں کو گل صحرائی
پا برہنہ طلب خار لیے پھرتی ہے
سایہ سا حسن کے ہمراہ ہے عشق بے باک
ساتھ یہ جنس خریدار لیے پھرتی ہے
کسی صورت سے نہیں جاں کو فرار اے آتشؔ
تپش دل مجھے لاچار لیے پھرتی ہے