हरीम-ए-ज़ात के पर्दे में जुस्तुजू याराँ
ज़हे-नसीब मुझे मेरी आरज़ू याराँ
हवस को इश्क़ बता कर तही-कदू याराँ
मय-ए-अयाग़ से छलका गए लहू याराँ
शबाब है मिरे साक़ी का आफ़्ताब की लौ
बदन है साज़ में दीपक की इक नुमू याराँ
इसी गुनह ने मलाएक पे फ़ौक़ियत बख़्शी
यही गुनह बशरिय्यत की आबरू याराँ
कभी ख़िज़ाँ में कभी ख़ार-ओ-ख़स के पर्दे में
चमन में बिखरे हैं हर-सम्त रंग-ओ-बू याराँ
जिसे मैं ख़ुद से भी कहने की ताब ला न सका
वो एक बात कही उन के रू-ब-रू याराँ
वही तो जाम-ए-शिफ़ा है बला-कशों के लिए
वो इक निगाह जो फिरती है चार-सू याराँ
उसी ख़लिश ने उसे ख़ुद-कुशी पे उकसाया
कि एक शख़्स से मिलता है हू-ब-हू याराँ
ज़माना बदला है रंग-ए-चमन भी बदलेगा
चिनार अब नज़र आते हैं शो'ला-रू याराँ
harīm-e-zāt ke parde meñ justujū yārāñ
zahe-nasīb mujhe merī aarzū yārāñ
havas ko ishq batā kar tahī-kadū yārāñ
mai-e-ayāġh se chhalkā ga.e lahū yārāñ
shabāb hai mire saaqī kā āftāb kī lau
badan hai saaz meñ dīpak kī ik numū yārāñ
isī gunah ne malā.ek pe fauqiyat baḳhshī
yahī gunah bashariyyat kī aabrū yārāñ
kabhī ḳhizāñ meñ kabhī ḳhār-o-ḳhas ke parde meñ
chaman meñ bikhre haiñ har-samt rañg-o-bū yārāñ
jise maiñ ḳhud se bhī kahne kī taab lā na sakā
vo ek baat kahī un ke rū-ba-rū yārāñ
vahī to jām-e-shifā hai balā-kashoñ ke liye
vo ik nigāh jo phirtī hai chār-sū yārāñ
usī ḳhalish ne use ḳhud-kushī pe uksāyā
ki ek shaḳhs se miltā hai hū-ba-hū yārāñ
zamāna badlā hai rañg-e-chaman bhī badlegā
chīnār ab nazar aate haiñ sho.ala-rū yārāñ
حریم ذات کے پردے میں جستجو یاراں
زہے نصیب مجھے میری آرزو یاراں
ہوس کو عشق بتا کر تہی کدو یاراں
مے ایاغ سے چھلکا گئے لہو یاراں
شباب ہے مرے ساقی کا آفتاب کی لو
بدن ہے ساز میں دیپک کی اک نمو یاراں
اسی گنہ نے ملائک پہ فوقیت بخشی
یہی گنہ بشریت کی آبرو یاراں
کبھی خزاں میں کبھی خار و خس کے پردے میں
چمن میں بکھرے ہیں ہر سمت رنگ و بو یاراں
جسے میں خود سے بھی کہنے کی تاب لا نہ سکا
وہ ایک بات کہی ان کے روبرو یاراں
وہی تو جام شفا ہے بلا کشوں کے لیے
وہ اک نگاہ جو پھرتی ہے چار سو یاراں
اسی خلش نے اسے خود کشی پہ اکسایا
کہ ایک شخص سے ملتا ہے ہو بہ ہو یاراں
زمانہ بدلا ہے رنگ چمن بھی بدلے گا
چنار اب نظر آتے ہیں شعلہ رو یاراں