हर इक ज़र्रे से है ताबानी-ए-शम्स-ओ-क़मर पैदा
हर इक आईने से है सूरत-ए-आईना-गर पैदा
ज़माना बंद कर देता है जिस पर इक दर-ए-इशरत
तो इस के वास्ते करती है फ़ितरत लाख दर पैदा
गदाओं की नज़र में ख़ाक है तौक़ीर-ए-सुल्तानी
फ़ुसून-ए-इश्क़ कर देता है ज़र्रों में नज़र पैदा
नहीं कुछ दूर ये भी सूरमा क़ौमों की फ़ितरत से
शिकस्तें खा के भी कर लेते हैं फ़त्ह-ओ-ज़फ़र पैदा
जुनूँ को चाहिएँ बे-ख़ौफ़-ओ-आ'ली-ज़र्फ़ दीवाने
हर इक दीवार में ज़िंदाँ की हो सकते हैं दर पैदा
हक़ीक़त में ख़िज़ाँ ता'मीर है फ़स्ल-ए-बहारी की
कि दर्द-ए-सर से होती है दवा-ए-दर्द-ए-सर पैदा
har ik zarre se hai tābānī-e-shams-o-qamar paidā
har ik ā.īne se hai sūrat-e-ā.īna-gar paidā
zamāna band kar detā hai jis par ik dar-e-ishrat
to is ke vāste kartī hai fitrat laakh dar paidā
gadāoñ kī nazar meñ ḳhaak hai tauqīr-e-sultānī
fusūn-e-ishq kar detā hai zarroñ meñ nazar paidā
nahīñ kuchh duur ye bhī sūrmā qaumoñ kī fitrat se
shikasteñ khā ke bhī kar lete haiñ fat.h-o-zafar paidā
junūñ ko chāhiyeñ be-ḳhauf-o-ā.alī-zarf dīvāne
har ik dīvār meñ zindāñ kī ho sakte haiñ dar paidā
haqīqat meñ ḳhizāñ ta.amīr hai fasl-e-bahārī kī
ki dard-e-sar se hotī hai davā-e-dard-e-sar paidā
ہر اک ذرے سے ہے تابانیٔ شمس و قمر پیدا
ہر اک آئینے سے ہے صورت آئینہ گر پیدا
زمانہ بند کر دیتا ہے جس پر اک در عشرت
تو اس کے واسطے کرتی ہے فطرت لاکھ در پیدا
گداؤں کی نظر میں خاک ہے توقیر سلطانی
فسون عشق کر دیتا ہے ذروں میں نظر پیدا
نہیں کچھ دور یہ بھی سورما قوموں کی فطرت سے
شکستیں کھا کے بھی کر لیتے ہیں فتح و ظفر پیدا
جنوں کو چاہئیں بے خوف و عالی ظرف دیوانے
ہر اک دیوار میں زنداں کی ہو سکتے ہیں در پیدا
حقیقت میں خزاں تعمیر ہے فصل بہاری کی
کہ درد سر سے ہوتی ہے دوائے درد سر پیدا