आज है ईसार का जज़्बा जो परवानों के पास
थी कभी ये दौलत-ए-बेदार इंसानों के पास
'अक़्ल है इक आस्तीं का साँप फ़र्ज़ानों के पास
बे-ख़ुदी कितनी बड़ी दौलत है दीवानों के पास
किस की है दुनिया ये आख़िर साहब-ए-ख़ाना है कौन
मेज़बाँ देखा नहीं कोई भी मेहमानों के पास
अज़्मत-ए-दीवानगी का शोर फ़र्ज़ानों में है
है ग़नीमत ये भी रह जाए जो दीवानों के पास
शम' रौशन हो गई आ जाओ जलने के लिए
ये ख़बर जाता है ले कर कौन परवानों के पास
गाहे आबादी के सीने तक चले आते हैं दश्त
गाहे आबादी पहुँच जाती है वीरानों के पास
अश्क-ए-हसरत सोज़-ए-ग़म दर्द-ए-मोहब्बत दाग़-ए-दिल
क्या नहीं सब कुछ है तेरे ख़स्ता सामानों के पास
तुम न गर आते तो खिंच जाते सनम-ख़ाने वहीं
तुम ने ख़ुद तौहीन की आ कर सनम-ख़ानों के पास
नाख़ुदा कश्ती के रुख़ को मोड़ लंगर काट दे
मुझ को साहिल सा नज़र आता है तूफ़ानों के पास
देखें अब बेगाने करते हैं इशारा किस तरफ़
मुझ को अपनों ने तो पहुँचाया है बेगानों के पास
'राज' जाने किस तरह करते हैं सज्दे बरहमन
मैं तो बन जाता हूँ बुत जा कर सनम-ख़ानों के पास
aaj hai īsār kā jazba jo parvānoñ ke paas
thī kabhī ye daulat-e-bedār insānoñ ke paas
'aql hai ik āstīñ kā saañp farzānoñ ke paas
be-ḳhudī kitnī baḌī daulat hai dīvānoñ ke paas
kis kī hai duniyā ye āḳhir sāhab-e-ḳhāna hai kaun
mezbāñ dekhā nahīñ koī bhī mehmānoñ ke paas
azmat-e-dīvāngī kā shor farzānoñ meñ hai
hai ġhanīmat ye bhī rah jaa.e jo dīvānoñ ke paas
sham' raushan ho ga.ī aa jaao jalne ke liye
ye ḳhabar jaatā hai le kar kaun parvānoñ ke paas
gaahe ābādī ke siine tak chale aate haiñ dasht
gaahe ābādī pahuñch jaatī hai vīrānoñ ke paas
ashk-e-hasrat soz-e-ġham dard-e-mohabbat dāġh-e-dil
kyā nahīñ sab kuchh hai tere ḳhasta sāmānoñ ke paas
tum na gar aate to khiñch jaate sanam-ḳhāne vahīñ
tum ne ḳhud tauhīn kī aa kar sanam-ḳhānoñ ke paas
nāḳhudā kashtī ke ruḳh ko moḌ langar kaaT de
mujh ko sāhil sā nazar aatā hai tūfānoñ ke paas
dekheñ ab begāne karte haiñ ishāra kis taraf
mujh ko apnoñ ne to pahuñchāyā hai begānoñ ke paas
'rāj' jaane kis tarah karte haiñ sajde barhaman
maiñ to ban jaatā huuñ but jā kar sanam-ḳhānoñ ke paas
آج ہے ایثار کا جذبہ جو پروانوں کے پاس
تھی کبھی یہ دولت بیدار انسانوں کے پاس
عقل ہے اک آستیں کا سانپ فرزانوں کے پاس
بے خودی کتنی بڑی دولت ہے دیوانوں کے پاس
کس کی ہے دنیا یہ آخر صاحب خانہ ہے کون
میزباں دیکھا نہیں کوئی بھی مہمانوں کے پاس
عظمت دیوانگی کا شور فرزانوں میں ہے
ہے غنیمت یہ بھی رہ جائے جو دیوانوں کے پاس
شمع روشن ہو گئی آ جاؤ جلنے کے لیے
یہ خبر جاتا ہے لے کر کون پروانوں کے پاس
گاہے آبادی کے سینے تک چلے آتے ہیں دشت
گاہے آبادی پہنچ جاتی ہے ویرانوں کے پاس
اشک حسرت سوز غم درد محبت داغ دل
کیا نہیں سب کچھ ہے تیرے خستہ سامانوں کے پاس
تم نہ گر آتے تو کھنچ جاتے صنم خانے وہیں
تم نے خود توہین کی آ کر صنم خانوں کے پاس
ناخدا کشتی کے رخ کو موڑ لنگر کاٹ دے
مجھ کو ساحل سا نظر آتا ہے طوفانوں کے پاس
دیکھیں اب بیگانے کرتے ہیں اشارہ کس طرف
مجھ کو اپنوں نے تو پہنچایا ہے بیگانوں کے پاس
راجؔ جانے کس طرح کرتے ہیں سجدے برہمن
میں تو بن جاتا ہوں بت جا کر صنم خانوں کے پاس