हर एक जिस्म पे बस एक ही से गहने लगे
हमें तो लोग तुम्हारा ही रूप पहने लगे
बस एक लौ सी नज़र आई थी फिर उस के बा'द
बुझे चराग़ सियह पानियों पे बहने लगे
उसे भी हादिसा कहिए कि ख़ुश्क दरिया पर
पड़ी जो धूप तो पत्थर पिघल के बहने लगे
रुतों ने करवटें बदलीं तो हम ने भी इक बार
फिर अपने घर को सजाया और उस में रहने लगे
न जाने क्यूँ मिरे अहबाब मेरे बारे में
जो बात आम थी सरगोशियों में कहने लगे
जो क़तरा क़तरा पिया हम ने ज़िंदगी का ज़हर
तो 'रिंद' बन के हर इक दिल का दर्द बहने लगे
har ek jism pe bas ek hī se gahne lage
hameñ to log tumhārā hī ruup pahne lage
bas ek lau sī nazar aa.ī thī phir us ke ba.ad
bujhe charāġh siyah pāniyoñ pe bahne lage
use bhī hādisa kahiye ki ḳhushk dariyā par
paḌī jo dhuup to patthar pighal ke bahne lage
rutoñ ne karvaTeñ badlīñ to ham ne bhī ik baar
phir apne ghar ko sajāyā aur us meñ rahne lage
na jaane kyuuñ mire ahbāb mere baare meñ
jo baat aam thī sargoshiyoñ meñ kahne lage
jo qatra qatra piyā ham ne zindagī kā zahr
to 'rind' ban ke har ik dil kā dard bahne lage
ہر ایک جسم پہ بس ایک ہی سے گہنے لگے
ہمیں تو لوگ تمہارا ہی روپ پہنے لگے
بس ایک لو سی نظر آئی تھی پھر اس کے بعد
بجھے چراغ سیہ پانیوں پہ بہنے لگے
اسے بھی حادثہ کہیے کہ خشک دریا پر
پڑی جو دھوپ تو پتھر پگھل کے بہنے لگے
رتوں نے کروٹیں بدلیں تو ہم نے بھی اک بار
پھر اپنے گھر کو سجایا اور اس میں رہنے لگے
نہ جانے کیوں مرے احباب میرے بارے میں
جو بات عام تھی سرگوشیوں میں کہنے لگے
جو قطرہ قطرہ پیا ہم نے زندگی کا زہر
تو رندؔ بن کے ہر اک دل کا درد بہنے لگے