हर अदावत की इब्तिदा है इश्क़
कि मोहब्बत की इंतिहा है इश्क़
लो ज़ुलेख़ा को कब हुआ है इश्क़
किस क़दर ताक़त-आज़मा है इश्क़
फ़लक ओ मुद्दई ओ यार ओ अजल
सब भले हैं मगर बुरा है इश्क़
देखिए इस का होगा क्या अंजाम
अब ख़ुदा से हमें हुआ है इश्क़
हो चुका हम से कुछ जो होना था
तू ने ये हाल क्या किया है इश्क़
वामिक़-ओ-क़ैस-ओ-कोहकन क्या थे
अजल-ओ-आफ़त-ओ-बला है इश्क़
देखना शौक़-ओ-शर्म का शेवा
हुस्न-ए-ख़ुद-बीं है ख़ुद-नुमा है इश्क़
कौन जाने था उस का नाम-ओ-नुमूद
मेरी बर्बादी से बना है इश्क़
दिल करो ख़ूँ तो क्या है दिलदारी
जान जाती रहे तो क्या है इश्क़
ग़म-ज़दाई में ग़म-फ़ज़ा क्या कुछ
दिल-रुबा या न जाँ-रुबा है इश्क़
बा-वफ़ा वो हैं बेवफ़ा है हुस्न
बेवफ़ा हम हैं बा-वफ़ा है इश्क़
ग़म्ज़ा सा ग़म्ज़ा ग़म में करता है
कुछ से कुछ अब तो हो गया है इश्क़
कैसे कैसों की उस ने ली है जान
देखना क्या ही ख़ुश-अदा है इश्क़
क्यूँ के मातम न अब वफ़ा का रहे
मेरे मरते ही मर मिटा है इश्क़
देखना मर्ग-ओ-ज़ीस्त के झगड़े
जाँ-फ़ज़ा हुस्न-ओ-जाँ-गुज़ा है इश्क़
वैसा ही है फ़रिश्ता जैसी रूह
ऐ 'क़लक़' तेरा आश्ना है इश्क़
har adāvat kī ibtidā hai ishq
ki mohabbat kī intihā hai ishq
lo zuleḳhā ko kab huā hai ishq
kis qadar tāqat-āzmā hai ishq
falak o mudda.ī o yaar o ajal
sab bhale haiñ magar burā hai ishq
dekhiye is kā hogā kyā anjām
ab ḳhudā se hameñ huā hai ishq
ho chukā ham se kuchh jo honā thā
tū ne ye haal kyā kiyā hai ishq
vāmiq-o-qais-o-kohkan kyā the
ajal-o-āfat-o-balā hai ishq
dekhnā shauq-o-sharm kā sheva
husn-e-ḳhud-bīñ hai ḳhud-numā hai ishq
kaun jaane thā us kā nām-o-numūd
merī barbādī se banā hai ishq
dil karo ḳhuuñ to kyā hai dildārī
jaan jaatī rahe to kyā hai ishq
ġham-zadā.ī meñ ġham-fazā kyā kuchh
dil-rubā yā na jāñ-rubā hai ishq
bā-vafā vo haiñ bevafā hai husn
bevafā ham haiñ bā-vafā hai ishq
ġhamza sā ġhamza ġham meñ kartā hai
kuchh se kuchh ab to ho gayā hai ishq
kaise kaisoñ kī us ne lī hai jaan
dekhnā kyā hī ḳhush-adā hai ishq
kyuuñ ke mātam na ab vafā kā rahe
mere marte hī mar miTā hai ishq
dekhnā marg-o-zīst ke jhagḌe
jāñ-fazā husn-o-jāñ-guzā hai ishq
vaisā hī hai farishta jaisī ruuh
ai 'qalaq' terā āshnā hai ishq
ہر عداوت کی ابتدا ہے عشق
کہ محبت کی انتہا ہے عشق
لو زلیخا کو کب ہوا ہے عشق
کس قدر طاقت آزما ہے عشق
فلک و مدعی و یار و اجل
سب بھلے ہیں مگر برا ہے عشق
دیکھیے اس کا ہوگا کیا انجام
اب خدا سے ہمیں ہوا ہے عشق
ہو چکا ہم سے کچھ جو ہونا تھا
تو نے یہ حال کیا کیا ہے عشق
وامق و قیس و کوہ کن کیا تھے
اجل و آفت و بلا ہے عشق
دیکھنا شوق و شرم کا شیوہ
حسن خود بیں ہے خود نما ہے عشق
کون جانے تھا اس کا نام و نمود
میری بربادی سے بنا ہے عشق
دل کرو خوں تو کیا ہے دل داری
جان جاتی رہے تو کیا ہے عشق
غم زدائی میں غم فزا کیا کچھ
دل ربا یا نہ جاں ربا ہے عشق
با وفا وہ ہیں بے وفا ہے حسن
بے وفا ہم ہیں با وفا ہے عشق
غمزہ سا غمزہ غم میں کرتا ہے
کچھ سے کچھ اب تو ہو گیا ہے عشق
کیسے کیسوں کی اس نے لی ہے جان
دیکھنا کیا ہی خوش ادا ہے عشق
کیوں کے ماتم نہ اب وفا کا رہے
میرے مرتے ہی مر مٹا ہے عشق
دیکھنا مرگ و زیست کے جھگڑے
جاں فزا حسن و جاں گزا ہے عشق
ویسا ہی ہے فرشتہ جیسی روح
اے قلقؔ تیرا آشنا ہے عشق