हक़ीक़तों से नज़र चुरा के ख़याल ख़्वाबों में ज़िंदा रहना
ज़वाल की दास्तान बन कर फ़क़त किताबों में ज़िंदा रहना
ख़ुद अपने हाथों से घर जला के फ़ज़ाएँ मस्मूम कर के सारी
झुलसते दिन और तड़पती रातों के फिर अज़ाबों में ज़िंदा रहना
हों बादा-ओ-जाम सामने गर नहीं सलामत जो दस्त-ओ-बाज़ू
तो फिर है तक़दीर तिश्नगी के इन्ही सराबों में ज़िंदा रहना
गिरे हैं कट के वो पर थी जिन की उड़ान अपनी फ़ज़ा से आगे
उतर के उन को बुलंदियों से पड़ा ख़राबों में ज़िंदा रहना
जो अपनी मर्ज़ी की जम्अ तफ़रीक़ कर के दिल को लुभा रहे हैं
नहीं ख़बर कि पड़ेगा कैसे कड़े हिसाबों में ज़िंदा रहना
haqīqatoñ se nazar churā ke ḳhayāl ḳhvāboñ meñ zinda rahnā
zavāl kī dāstān ban kar faqat kitāboñ meñ zinda rahnā
ḳhud apne hāthoñ se ghar jalā ke fazā.eñ masmūm kar ke saarī
jhulaste din aur taḌaptī rātoñ ke phir azāboñ meñ zinda rahnā
hoñ bāda-o-jām sāmne gar nahīñ salāmat jo dast-o-bāzū
to phir hai taqdīr tishnagī ke inhī sarāboñ meñ zinda rahnā
gire haiñ kaT ke vo par thī jin kī uḌaan apnī fazā se aage
utar ke un ko bulandiyoñ se paḌā ḳharāboñ meñ zinda rahnā
jo apnī marzī kī jam.a tafrīq kar ke dil ko lubhā rahe haiñ
nahīñ ḳhabar ki paḌegā kaise kaḌe hisāboñ meñ zinda rahnā
حقیقتوں سے نظر چرا کے خیال خوابوں میں زندہ رہنا
زوال کی داستان بن کر فقط کتابوں میں زندہ رہنا
خود اپنے ہاتھوں سے گھر جلا کے فضائیں مسموم کر کے ساری
جھلستے دن اور تڑپتی راتوں کے پھر عذابوں میں زندہ رہنا
ہوں بادہ و جام سامنے گر نہیں سلامت جو دست و بازو
تو پھر ہے تقدیر تشنگی کے انہی سرابوں میں زندہ رہنا
گرے ہیں کٹ کے وہ پر تھی جن کی اڑان اپنی فضا سے آگے
اتر کے ان کو بلندیوں سے پڑا خرابوں میں زندہ رہنا
جو اپنی مرضی کی جمع تفریق کر کے دل کو لبھا رہے ہیں
نہیں خبر کہ پڑے گا کیسے کڑے حسابوں میں زندہ رہنا