बिखर गई हूँ तो क्या आसमान मेरा है
ज़मीं पे पाँव नहीं ख़ाक-दान मेरा है
उतर गया है सरापा दुखों की दलदल में
जो रह गया है ज़रा सा निशान मेरा है
मिटा गई है ज़माने की दस्त-बुर्द उसे
जो सामने है खंडर सा मकान मेरा है
छुपा न पाएगा वो जुर्म दिल का ख़ूँ कर के
ख़िलाफ़ उस के चला जो बयान मेरा है
बचाएगा तुझे रस्ते की कुल्फ़तों से तमाम
तुम्हारे साथ जो रहता धियान मेरा है
ज़माने भर में ही तारीकियाँ मगर दिल में
जले हैं दाग़ तो रौशन जहान मेरा है
bikhar ga.ī huuñ to kyā āsmān merā hai
zamīñ pe paañv nahīñ ḳhāk-dān merā hai
utar gayā hai sarāpā dukhoñ kī daldal meñ
jo rah gayā hai zarā sā nishān merā hai
miTā ga.ī hai zamāne kī dast-burd use
jo sāmne hai khañDar sā makān merā hai
chhupā na pā.egā vo jurm dil kā ḳhuuñ kar ke
ḳhilāf us ke chalā jo bayān merā hai
bachā.egā tujhe raste kī kulfatoñ se tamām
tumhāre saath jo rahtā dhiyān merā hai
zamāne bhar meñ hī tārīkiyāñ magar dil meñ
jale haiñ daaġh to raushan jahān merā hai
بکھر گئی ہوں تو کیا آسمان میرا ہے
زمیں پہ پاؤں نہیں خاکدان میرا ہے
اتر گیا ہے سراپا دکھوں کی دلدل میں
جو رہ گیا ہے ذرا سا نشان میرا ہے
مٹا گئی ہے زمانے کی دست برد اسے
جو سامنے ہے کھنڈر سا مکان میرا ہے
چھپا نہ پائے گا وہ جرم دل کا خوں کر کے
خلاف اس کے چلا جو بیان میرا ہے
بچائے گا تجھے رستے کی کلفتوں سے تمام
تمہارے ساتھ جو رہتا دھیان میرا ہے
زمانے بھر میں ہی تاریکیاں مگر دل میں
جلے ہیں داغ تو روشن جہان میرا ہے