हनूज़ ज़िंदगी-ए-तल्ख़ का मज़ा न मिला
कमाल-ए-सब्र मिला सब्र-आज़मा न मिला
मिरी बहार-ओ-ख़िज़ाँ जिस के इख़्तियार में है
मिज़ाज उस दिल-ए-बे-इख़्तियार का न मिला
हवा के दोश पे जाता है कारवान-ए-नफ़स
अदम की राह में कोई पियादा-पा न मिला
बस एक नुक़ता-ए-फ़र्ज़ी का नाम है का'बा
किसी को मरकज़-ए-तहक़ीक़ का पता न मिला
उमीद-ओ-बीम ने मारा मुझे दो-राहे पर
कहाँ के दैर-ओ-हरम घर का रास्ता न मिला
ब-जुज़ इरादा-परस्ती ख़ुदा को क्या जाने
वो बद-नसीब जिसे बख़्त-ए-ना-रसाना मिला
निगाह-ए-'यास' से साबित है सई-ए-ला-हासिल
ख़ुदा का ज़िक्र तो क्या बंदा-ए-ख़ुदा न मिला
hanūz zindagī-e-talḳh kā maza na milā
kamāl-e-sabr milā sabr-āzmā na milā
mirī bahār-o-ḳhizāñ jis ke iḳhtiyār meñ hai
mizāj us dil-e-be-iḳhtiyār kā na milā
havā ke dosh pe jaatā hai kārvān-e-nafas
adam kī raah meñ koī piyāda-pā na milā
bas ek nuqta-e-farzī kā naam hai ka.aba
kisī ko markaz-e-tahqīq kā pata na milā
umīd-o-bīm ne maarā mujhe do-rāhe par
kahāñ ke dair-o-haram ghar kā rāsta na milā
ba-juz irāda-parastī ḳhudā ko kyā jaane
vo bad-nasīb jise baḳht-e-nā-rasāna milā
nigāh-e-'yās' se sābit hai sa.i-e-lā-hāsil
ḳhudā kā zikr to kyā banda-e-ḳhudā na milā
ہنوز زندگیٔ تلخ کا مزہ نہ ملا
کمال صبر ملا صبر آزما نہ ملا
مری بہار و خزاں جس کے اختیار میں ہے
مزاج اس دل بے اختیار کا نہ ملا
ہوا کے دوش پہ جاتا ہے کاروان نفس
عدم کی راہ میں کوئی پیادہ پا نہ ملا
بس ایک نقطۂ فرضی کا نام ہے کعبہ
کسی کو مرکز تحقیق کا پتہ نہ ملا
امید و بیم نے مارا مجھے دو راہے پر
کہاں کے دیر و حرم گھر کا راستہ نہ ملا
بجز ارادہ پرستی خدا کو کیا جانے
وہ بد نصیب جسے بخت نارسانہ ملا
نگاہ یاسؔ سے ثابت ہے سعئ لا حاصل
خدا کا ذکر تو کیا بندۂ خدا نہ ملا