हमेशा के लिए सीने में सो भी सकती है
ये बे-जवाज़ मोहब्बत कि हो भी सकती है
अगर पसंद करे मौसमों की हैरानी
तो संग-ए-दिल में कोई बीज बो भी सकती है
वो शक्ल जो नज़र आई है इतनी देर के बा'द
इसी हुजूम-ए-तमाशा में खो भी सकती है
बना भी सकती है बारिश 'इबारतें दिल पर
लिखी हुई कोई तहरीर धो भी सकती है
मैं जानता हूँ कि दरवाज़ा हँस भी सकता है
मैं सोचता हूँ ये दीवार रो भी सकती है
ये धुंध प्यास भी मेरी बुझा नहीं सकती
मिरे वुजूद को लेकिन भिगो भी सकती है
जुदा भी करती है चीज़ों को वो हसीना-ए-ख़्वाब
किसी भी शय में कोई शय समो भी सकती है
बिल-आख़िर एक ये तौफ़ीक़-ए-बे-महार 'ज़फ़र'
कली को ख़ार-ए-हवस में पिरो भी सकती है
hamesha ke liye siine meñ so bhī saktī hai
ye be-javāz mohabbat ki ho bhī saktī hai
agar pasand kare mausamoñ kī hairānī
to sang-e-dil meñ koī biij bo bhī saktī hai
vo shakl jo nazar aa.ī hai itnī der ke baa'd
isī hujūm-e-tamāshā meñ kho bhī saktī hai
banā bhī saktī hai bārish 'ibārateñ dil par
likhī huī koī tahrīr dho bhī saktī hai
maiñ jāntā huuñ ki darvāza hañs bhī saktā hai
maiñ sochtā huuñ ye dīvār ro bhī saktī hai
ye dhundh pyaas bhī merī bujhā nahīñ saktī
mire vujūd ko lekin bhigo bhī saktī hai
judā bhī kartī hai chīzoñ ko vo hasīna-e-ḳhvāb
kisī bhī shai meñ koī shai samo bhī saktī hai
bil-āḳhir ek ye taufīq-e-be-mahār 'zafar'
kalī ko ḳhār-e-havas meñ piro bhī saktī hai
ہمیشہ کے لئے سینے میں سو بھی سکتی ہے
یہ بے جواز محبت کہ ہو بھی سکتی ہے
اگر پسند کرے موسموں کی حیرانی
تو سنگ دل میں کوئی بیج بو بھی سکتی ہے
وہ شکل جو نظر آئی ہے اتنی دیر کے بعد
اسی ہجوم تماشا میں کھو بھی سکتی ہے
بنا بھی سکتی ہے بارش عبارتیں دل پر
لکھی ہوئی کوئی تحریر دھو بھی سکتی ہے
میں جانتا ہوں کہ دروازہ ہنس بھی سکتا ہے
میں سوچتا ہوں یہ دیوار رو بھی سکتی ہے
یہ دھندھ پیاس بھی میری بجھا نہیں سکتی
مرے وجود کو لیکن بھگو بھی سکتی ہے
جدا بھی کرتی ہے چیزوں کو وہ حسینۂ خواب
کسی بھی شے میں کوئی شے سمو بھی سکتی ہے
بالآخر ایک یہ توفیق بے مہار ظفرؔ
کلی کو خار ہوس میں پرو بھی سکتی ہے