हमें भी मतलब-ओ-मअ'नी की जुस्तुजू है बहुत
हरीफ़-ए-हर्फ़ मगर अब के दू-ब-दू है बहुत
वक़ार घर की तवाज़ो ही पर नहीं मौक़ूफ़
ब-फ़ैज़-ए-शाइरी बाहर भी आबरू है बहुत
फटे पुराने दिलों की ख़बर नहीं लेता
अगरचे जानता है हाजत-ए-रफ़ू है बहुत
बदन का सारा लहू खिंच के आ गया रुख़ पर
वो एक बोसा हमें दे के सुर्ख़-रू है बहुत
इधर उधर यूँ ही मुँह मारते भी हैं लेकिन
ये मानते भी हैं दिल से कि हम को तू है बहुत
अब उस की दीद मोहब्बत नहीं ज़रूरत है
कि उस से मिल के बिछड़ने की आरज़ू है बहुत
यही है बे-सर-ओ-पा बात कहने का मौक़ा'
पता चलेगा किसे शोर चार-सू है बहुत
ये हाल है तो बदन को बचाइए कब तक
सदा में धूप बहुत है लहू में लू है बहुत
यही है फ़िक्र कहीं मान ही न जाएँ 'ज़फ़र'
हमारे मोजज़ा-ए-फ़न पे गुफ़्तुगू है बहुत
hameñ bhī matlab-o-ma.anī kī justujū hai bahut
harīf-e-harf magar ab ke dū-ba-dū hai bahut
vaqār ghar kī tavāzo hī par nahīñ mauqūf
ba-faiz-e-shā.irī bāhar bhī aabrū hai bahut
phaTe purāne diloñ kī ḳhabar nahīñ letā
agarche jāntā hai hājat-e-rafū hai bahut
badan kā saarā lahū khiñch ke aa gayā ruḳh par
vo ek bosa hameñ de ke surḳh-rū hai bahut
idhar udhar yuuñ hī muñh mārte bhī haiñ lekin
ye mānte bhī haiñ dil se ki ham ko tū hai bahut
ab us kī diid mohabbat nahīñ zarūrat hai
ki us se mil ke bichhaḌne kī aarzū hai bahut
yahī hai be-sar-o-pā baat kahne kā mauqa.a
patā chalegā kise shor chār-sū hai bahut
ye haal hai to badan ko bachā.iye kab tak
sadā meñ dhuup bahut hai lahū meñ lū hai bahut
yahī hai fikr kahīñ maan hī na jaa.eñ 'zafar'
hamāre mojaza-e-fan pe guftugū hai bahut
ہمیں بھی مطلب و معنی کی جستجو ہے بہت
حریف حرف مگر اب کے دو بہ دو ہے بہت
وقار گھر کی تواضع ہی پر نہیں موقوف
بہ فیض شاعری باہر بھی آبرو ہے بہت
پھٹے پرانے دلوں کی خبر نہیں لیتا
اگرچہ جانتا ہے حاجت رفو ہے بہت
بدن کا سارا لہو کھنچ کے آ گیا رخ پر
وہ ایک بوسہ ہمیں دے کے سرخ رو ہے بہت
ادھر ادھر یوں ہی منہ مارتے بھی ہیں لیکن
یہ مانتے بھی ہیں دل سے کہ ہم کو تو ہے بہت
اب اس کی دید محبت نہیں ضرورت ہے
کہ اس سے مل کے بچھڑنے کی آرزو ہے بہت
یہی ہے بے سر و پا بات کہنے کا موقع
پتا چلے گا کسے شور چار سو ہے بہت
یہ حال ہے تو بدن کو بچایئے کب تک
صدا میں دھوپ بہت ہے لہو میں لو ہے بہت
یہی ہے فکر کہیں مان ہی نہ جائیں ظفرؔ
ہمارے معجزۂ فن پہ گفتگو ہے بہت