हमारे शहर में घर इस लिए सुनसान रहते हैं
कि घर घर ख़ौफ़ से सहमे हुए इंसान रहते हैं
अगर तुम इश्क़ की मस्जिद में जाना ठान ही बैठे
तो बर-ख़ुरदार सीखो उस के क्या अरकान रहते हैं
मुझे मालिक मिरे बच्चों के हर ग़म से बचा लेना
लब-ए-दिल पर वही बन कर मिरे मुस्कान रहते हैं
मुझे कोई दिखा कर ख़्वाब में मेरा नगर बोला
यहाँ ला-हौल विर्द-ए-ख़ास रख शैतान रहते हैं
मोहब्बत वो मुक़द्दस चीज़ है सुन ऐ दिल-ए-नादाँ
वो मिल जाए तो राहत के बड़े इम्कान रहते हैं
वही दिल मो'तबर मुफ़्ती है अहल-ए-दीं की दुनिया में
कि जिस में ऐ ज़माने मुत्तक़ी अरमान रहते हैं
मिरी बस्ती पे हरगिज़ क़हर बरपा हो नहीं सकता
मिरी बस्ती में घर घर साहिब-ए-ईमान रहते हैं
मियाँ शोहरत भी अक्सर आदमी पे ज़ुल्म ढाती है
वही अच्छे हैं दुनिया में जो कम पहचान रहते हैं
यहाँ हर बात आँखों के इशारे से करो 'ताहिर'
लगे दीवार से हर वक़्त कितने कान रहते हैं
hamāre shahr meñ ghar is liye sunsān rahte haiñ
ki ghar ghar ḳhauf se sahme hue insān rahte haiñ
agar tum ishq kī masjid meñ jaanā Thaan hī baiThe
to bar-ḳhurdār sīkho us ke kyā arkān rahte haiñ
mujhe mālik mire bachchoñ ke har ġham se bachā lenā
lab-e-dil par vahī ban kar mire muskān rahte haiñ
mujhe koī dikhā kar ḳhvāb meñ merā nagar bolā
yahāñ lā-haul vird-e-ḳhās rakh shaitān rahte haiñ
mohabbat vo muqaddas chiiz hai sun ai dil-e-nādāñ
vo mil jaa.e to rāhat ke baḌe imkān rahte haiñ
vahī dil mo'atabar muftī hai ahl-e-dīñ kī duniyā meñ
ki jis meñ ai zamāne muttaqī armān rahte haiñ
mirī bastī pe hargiz qahr barpā ho nahīñ saktā
mirī bastī meñ ghar ghar sāhib-e-īmān rahte haiñ
miyāñ shohrat bhī aksar aadmī pe zulm Dhātī hai
vahī achchhe haiñ duniyā meñ jo kam pahchān rahte haiñ
yahāñ har baat āñkhoñ ke ishāre se karo 'tāhir'
lage dīvār se har vaqt kitne kaan rahte haiñ
ہمارے شہر میں گھر اس لیے سنسان رہتے ہیں
کہ گھر گھر خوف سے سہمے ہوئے انسان رہتے ہیں
اگر تم عشق کی مسجد میں جانا ٹھان ہی بیٹھے
تو بر خوردار سیکھو اس کے کیا ارکان رہتے ہیں
مجھے مالک مرے بچوں کے ہر غم سے بچا لینا
لب دل پر وہی بن کر مرے مسکان رہتے ہیں
مجھے کوئی دکھا کر خواب میں میرا نگر بولا
یہاں لاحول ورد خاص رکھ شیطان رہتے ہیں
محبت وہ مقدس چیز ہے سن اے دل ناداں
وہ مل جائے تو راحت کے بڑے امکان رہتے ہیں
وہی دل معتبر مفتی ہے اہل دیں کی دنیا میں
کہ جس میں اے زمانے متقی ارمان رہتے ہیں
مری بستی پہ ہرگز قہر برپا ہو نہیں سکتا
مری بستی میں گھر گھر صاحب ایمان رہتے ہیں
میاں شہرت بھی اکثر آدمی پہ ظلم ڈھاتی ہے
وہی اچھے ہیں دنیا میں جو کم پہچان رہتے ہیں
یہاں ہر بات آنکھوں کے اشارے سے کرو طاہرؔ
لگے دیوار سے ہر وقت کتنے کان رہتے ہیں