हमारे सर से वो तूफ़ाँ कहीं गुज़र गए हैं
चढ़े हुए थे जो दरिया सभी उतर गए हैं
रहे नहीं हैं कभी एक हाल पर क़ाएम
सिमट गए हैं कभी और कभी बिखर गए हैं
उसूल है कि ख़ला यूँही रह नहीं सकता
हुए हैं ख़ुद से जो ख़ाली सो तुझ से भर गए हैं
रुके भी हैं तो दोबारा रवानगी के लिए
चले भी हैं तो कहीं राह में ठहर गए हैं
तुम्हारे अहद-ए-तग़ाफ़ुल में जी रहे हैं अभी
हुआ है कुछ तुम्हें हासिल न हम ही मर गए हैं
निकल पड़े तो फिर अपना सुराग़ मिल न सका
तुम्हारे पास ही पहुँचे न अपने घर गए हैं
वही है दाएरा-ए-ख़्वाब इब्तिदा-ए-सफ़र
उसी क़दर हुए वापस भी जिस क़दर गए हैं
इसी कमी का है एहसास और हैरानी
हैं और तो सभी मौजूद हम किधर गए हैं
'ज़फ़र' हमारी मोहब्बत का सिलसिला है अजीब
जहाँ छुपा नहीं पाए वहाँ मुकर गए हैं
hamāre sar se vo tūfāñ kahīñ guzar ga.e haiñ
chaḌhe hue the jo dariyā sabhī utar ga.e haiñ
rahe nahīñ haiñ kabhī ek haal par qaa.em
simaT ga.e haiñ kabhī aur kabhī bikhar ga.e haiñ
usuul hai ki ḳhalā yūñhī rah nahīñ saktā
hue haiñ ḳhud se jo ḳhālī so tujh se bhar ga.e haiñ
ruke bhī haiñ to dobāra ravāngī ke liye
chale bhī haiñ to kahīñ raah meñ Thahar ga.e haiñ
tumhāre ahd-e-taġhāful meñ jī rahe haiñ abhī
huā hai kuchh tumheñ hāsil na ham hī mar ga.e haiñ
nikal paḌe to phir apnā surāġh mil na sakā
tumhāre paas hī pahuñche na apne ghar ga.e haiñ
vahī hai dā.era-e-ḳhvāb ibtidā-e-safar
usī qadar hue vāpas bhī jis qadar ga.e haiñ
isī kamī kā hai ehsās aur hairānī
haiñ aur to sabhī maujūd ham kidhar ga.e haiñ
'zafar' hamārī mohabbat kā silsila hai ajiib
jahāñ chhupā nahīñ paa.e vahāñ mukar ga.e haiñ
ہمارے سر سے وہ طوفاں کہیں گزر گئے ہیں
چڑھے ہوئے تھے جو دریا سبھی اتر گئے ہیں
رہے نہیں ہیں کبھی ایک حال پر قائم
سمٹ گئے ہیں کبھی اور کبھی بکھر گئے ہیں
اصول ہے کہ خلا یونہی رہ نہیں سکتا
ہوئے ہیں خود سے جو خالی سو تجھ سے بھر گئے ہیں
رکے بھی ہیں تو دوبارہ روانگی کے لیے
چلے بھی ہیں تو کہیں راہ میں ٹھہر گئے ہیں
تمہارے عہد تغافل میں جی رہے ہیں ابھی
ہوا ہے کچھ تمہیں حاصل نہ ہم ہی مر گئے ہیں
نکل پڑے تو پھر اپنا سراغ مل نہ سکا
تمہارے پاس ہی پہنچے نہ اپنے گھر گئے ہیں
وہی ہے دائرۂ خواب ابتدائےسفر
اسی قدر ہوئے واپس بھی جس قدر گئے ہیں
اسی کمی کا ہے احساس اور حیرانی
ہیں اور تو سبھی موجود ہم کدھر گئے ہیں
ظفرؔ ہماری محبت کا سلسلہ ہے عجیب
جہاں چھپا نہیں پائے وہاں مکر گئے ہیں