हम तो क़ुसूर-वार हुए आँख डाल के
पूछो कि निकले क्यूँ थे वो जौबन निकाल के
आँखों से ख़्वाब का हो गुज़र क्या मजाल है
पहरे बिठा दिए हैं किसी के ख़याल के
दिल में वो भीड़ है कि ज़रा भी नहीं जगह
आप आइए मगर कोई अरमाँ निकाल के
सद-शुक्र वस्फ़-ए-क़द पे वो इतना तो फूल उठे
मज़मूँ बुलंद हैं मिरे आली ख़याल के
लज़्ज़त यही खटक की जो है राह-ए-इश्क़ में
रख लूँगा दिल में पाँव के काँटे निकाल के
दिल रह गया उलझ के निगाहों के तार में
अच्छा वो जान डाल गए आँख डाल के
सुनिए तो इक ज़रा मिरे अशआर-ए-दर्दनाक
लाया हूँ मैं कलेजे के टुकड़े निकाल के
आईना है जो उन का मुसाहिब तो क्या हुआ
हम भी कभी थे देखने वाले जमाल के
लिक्खी है खा के ख़ून-ए-जिगर ये ग़ज़ल 'जलील'
मिस्रे नहीं हैं शेर के टुकड़े हैं लाल के
ham to qusūr-vār hue aañkh Daal ke
pūchho ki nikle kyuuñ the vo jauban nikāl ke
āñkhoñ se ḳhvāb kā ho guzar kyā majāl hai
pahre biThā diye haiñ kisī ke ḳhayāl ke
dil meñ vo bhiiḌ hai ki zarā bhī nahīñ jagah
aap aa.iye magar koī armāñ nikāl ke
sad-shukr vasf-e-qad pe vo itnā to phuul uThe
mazmūñ buland haiñ mire aalī ḳhayāl ke
lazzat yahī khaTak kī jo hai rāh-e-ishq meñ
rakh lūñgā dil meñ paañv ke kāñTe nikāl ke
dil rah gayā ulajh ke nigāhoñ ke taar meñ
achchhā vo jaan Daal ga.e aañkh Daal ke
suniye to ik zarā mire ash.ār-e-dardnāk
laayā huuñ maiñ kaleje ke TukḌe nikāl ke
ā.īna hai jo un kā musāhib to kyā huā
ham bhī kabhī the dekhne vaale jamāl ke
likkhī hai khā ke ḳhūn-e-jigar ye ġhazal 'jalīl'
misre nahīñ haiñ sher ke TukḌe haiñ laal ke
ہم تو قصوروار ہوئے آنکھ ڈال کے
پوچھو کہ نکلے کیوں تھے وہ جوبن نکال کے
آنکھوں سے خواب کا ہو گزر کیا مجال ہے
پہرے بٹھا دیے ہیں کسی کے خیال کے
دل میں وہ بھیڑ ہے کہ ذرا بھی نہیں جگہ
آپ آئیے مگر کوئی ارماں نکال کے
صد شکر وصف قد پہ وہ اتنا تو پھول اٹھے
مضموں بلند ہیں مرے عالی خیال کے
لذت یہی کھٹک کی جو ہے راہ عشق میں
رکھ لوں گا دل میں پاؤں کے کانٹے نکال کے
دل رہ گیا الجھ کے نگاہوں کے تار میں
اچھا وہ جان ڈال گئے آنکھ ڈال کے
سنیے تو اک ذرا مرے اشعار دردناک
لایا ہوں میں کلیجے کے ٹکڑے نکال کے
آئینہ ہے جو ان کا مصاحب تو کیا ہوا
ہم بھی کبھی تھے دیکھنے والے جمال کے
لکھی ہے کھا کے خون جگر یہ غزل جلیلؔ
مصرع نہیں ہیں شعر کے ٹکڑے ہیں لال کے