हम अपने ही सर लेंगे मुसीबत हो किसी की
आएगी इसी जान पे आफ़त हो किसी की
हम लुत्फ़ के रुत्बे को अभी जाँच रहे हैं
दिल दें अगर ऐसी ही इनायत हो किसी की
क्यों वस्ल की शब हाथ लगाने नहीं देते
मा'शूक़ हो या कोई अमानत हो किसी की
ऐ नामा-बर अहवाल-ए-ग़म-ए-हिज्र तो लिख दूँ
ऐसा न हो मेरी ही सी हालत हो किसी की
लड़ना कभी मिलना कभी आना कभी जाना
तुम शोख़ हो या शोख़-तबीअ'त हो किसी की
लो रहने दो तस्कीं के लिए ग़ैर की तस्वीर
शायद जो न हूँ मैं तो ज़रूरत हो किसी की
ये 'दाग़' हमारी नहीं सुनता नहीं सुनता
ऐसी भी इलाही न बुरी मत हो किसी की
ham apne hī sar leñge musībat ho kisī kī
aa.egī isī jaan pe aafat ho kisī kī
ham lutf ke rutbe ko abhī jāñch rahe haiñ
dil deñ agar aisī hī ināyat ho kisī kī
kyoñ vasl kī shab haath lagāne nahīñ dete
ma.ashūq ho yā koī amānat ho kisī kī
ai nāma-bar ahvāl-e-ġham-e-hijr to likh duuñ
aisā na ho merī hī sī hālat ho kisī kī
laḌnā kabhī milnā kabhī aanā kabhī jaanā
tum shoḳh ho yā shoḳh-tabī.at ho kisī kī
lo rahne do taskīñ ke liye ġhair kī tasvīr
shāyad jo na huuñ maiñ to zarūrat ho kisī kī
ye 'dāġh' hamārī nahīñ suntā nahīñ suntā
aisī bhī ilāhī na burī mat ho kisī kī
ہم اپنے ہی سر لیں گے مصیبت ہو کسی کی
آئے گی اسی جان پہ آفت ہو کسی کی
ہم لطف کے رتبے کو ابھی جانچ رہے ہیں
دل دیں اگر ایسی ہی عنایت ہو کسی کی
کیوں وصل کی شب ہاتھ لگانے نہیں دیتے
معشوق ہو یا کوئی امانت ہو کسی کی
اے نامہ بر احوال غم ہجر تو لکھ دوں
ایسا نہ ہو میری ہی سی حالت ہو کسی کی
لڑنا کبھی ملنا کبھی آنا کبھی جانا
تم شوخ ہو یا شوخ طبیعت ہو کسی کی
لو رہنے دو تسکیں کے لئے غیر کی تصویر
شاید جو نہ ہوں میں تو ضرورت ہو کسی کی
یہ داغؔ ہماری نہیں سنتا نہیں سنتا
ایسی بھی الٰہی نہ بری مت ہو کسی کی