है जब से दस्त-ए-यार में साग़र शराब का
कौड़े का हो गया है कटोरा गुलाब का
सय्याद ने तसल्ली-ए-बुलबुल के वास्ते
कुंज-ए-क़फ़स में हौज़ भरा है गुलाब का
दरिया-ए-ख़ूँ किया है तिरी तेग़ ने रवाँ
हासिल हुआ है रुत्बा सरों को हुबाब का
जो सत्र है वो गेसू-ए-हूर-ए-बहिश्त है
ख़ाल-ए-परी है नुक़्ता हमारी किताब का
नौ आसमाँ हैं सफ़हा-ए-अव्वल के नौ लुग़त
कौनैन इक दो वर्क़ा है अपनी किताब का
ऐ मौज-ए-बे-लिहाज़ समझ कर मटाईयो
दरिया भी है असीर तिलिस्म-ए-हुबाब का
बिछवाईए न चाँदनी में बाम पर पलंग
मनहूस है क़िरान मह ओ आफ़्ताब का
इक तर्क शहसवार की दीवानी रूह है
ज़ंजीर में हमारे हो लोहा रिकाब का
हुस्न-ओ-जमाल से है ज़माने में रौशनी
शब माहताब की है तो रोज़ आफ़्ताब का
अल्लाह-रे हमारा तकल्लुफ़ शब-ए-विसाल
रोग़न के बदले 'इत्र जलाया गुलाब का
मस्जिद से मय-कदे में मुझे नश्शा ले गया
मौज-ए-शराब जादा थी राह-ए-सवाब का
इंसाफ़ से वो ज़मज़मा मेरा अगर सुने
दम बंद होवे तूती-ए-हाज़िर-जवाब का
उल्फ़त जो ज़ुल्फ़ से है दिल-ए-दाग़-दार को
ताऊस को ये 'इश्क़ न होगा सहाब का
मा'मूर जो हुआ अरक़-ए-रुख़ से वो ज़क़न
मज़मून मिल गया मुझे चाह-ए-गुलाब का
पाता हूँ नाफ़ का कमर-ए-यार में मक़ाम
चश्मा मगर 'अदम में है गौहर की आब का
'आतिश' शब-ए-फ़िराक़ में पूछूँगा माह से
ये दाग़ है दिया हुआ किस आफ़्ताब का
hai jab se dast-e-yār meñ sāġhar sharāb kā
kauḌe kā ho gayā hai kaTorā gulāb kā
sayyād ne tasallī-e-bulbul ke vāste
kunj-e-qafas meñ hauz bharā hai gulāb kā
dariyā-e-ḳhūñ kiyā hai tirī teġh ne ravāñ
hāsil huā hai rutba saroñ ko hubāb kā
jo satr hai vo gasū-e-hūr-e-bahisht hai
ḳhāl-e-parī hai nuqta hamārī kitāb kā
nau āsmāñ haiñ saf.ha-e-avval ke nau luġhat
kaunain ik do varqa hai apnī kitāb kā
ai mauj-e-be-lihāz samajh kar miTā.īyo
dariyā bhī hai asiir tilism-e-hubāb kā
bichhvā.īye na chāñdnī meñ baam par palañg
manhūs hai qirān mah o āftāb kā
ik tark shahsavār kī dīvānī ruuh hai
zanjīr meñ hamāre ho lohā rikāb kā
husn-o-jamāl se hai zamāne meñ raushnī
shab māhtāb kī hai to roz āftāb kā
allāh-re hamārā takalluf shab-e-visāl
roġhan ke badle 'itr jalāyā gulāb kā
masjid se mai-kade meñ mujhe nashsha le gayā
mauj-e-sharāb jaada thī rāh-e-savāb kā
insāf se vo zamzama merā agar sune
dam band hove tūtī-e-hāzir-javāb kā
ulfat jo zulf se hai dil-e-dāġh-dār ko
tā.ūs ko ye 'ishq na hogā sahāb kā
mā'mūr jo huā araq-e-ruḳh se vo zaqan
mazmūn mil gayā mujhe chāh-e-gulāb kā
paatā huuñ naaf kā kamar-e-yār meñ maqām
chashma magar 'adam meñ hai gauhar kī aab kā
'ātish' shab-e-firāq meñ pūchhūñgā maah se
ye daaġh hai diyā huā kis āftāb kā
ہے جب سے دست یار میں ساغر شراب کا
کوڑے کا ہو گیا ہے کٹورا گلاب کا
صیاد نے تسلی بلبل کے واسطے
کنج قفس میں حوض بھرا ہے گلاب کا
دریائے خوں کیا ہے تری تیغ نے رواں
حاصل ہوا ہے رتبہ سروں کو حباب کا
جو سطر ہے وہ گیسوئے حور بہشت ہے
خال پری ہے نقطہ ہماری کتاب کا
نو آسماں ہیں صفحۂ اول کے نو لغت
کونین اک دو ورقہ ہے اپنی کتاب کا
اے موج بے لحاظ سمجھ کر مٹائیو
دریا بھی ہے اسیر طلسم حباب کا
بچھوائیے نہ چاندنی میں بام پر پلنگ
منحوس ہے قران مہ و آفتاب کا
اک ترک شہسوار کی دیوانی روح ہے
زنجیر میں ہمارے ہو لوہا رکاب کا
حسن و جمال سے ہے زمانے میں روشنی
شب ماہتاب کی ہے تو روز آفتاب کا
اللہ رے ہمارا تکلف شب وصال
روغن کے بدلے عطر جلایا گلاب کا
مسجد سے میکدے میں مجھے نشہ لے گیا
موج شراب جادہ تھی راہ ثواب کا
انصاف سے وہ زمزمہ میرا اگر سنے
دم بند ہووے طوطیٔ حاضر جواب کا
الفت جو زلف سے ہے دل داغدار کو
طاؤس کو یہ عشق نہ ہوگا سحاب کا
معمور جو ہوا عرق رخ سے وہ ذقن
مضمون مل گیا مجھے چاہ گلاب کا
پاتا ہوں ناف کا کمر یار میں مقام
چشمہ مگر عدم میں ہے گوہر کی آب کا
آتشؔ شب فراق میں پوچھوں گا ماہ سے
یہ داغ ہے دیا ہوا کس آفتاب کا