है आरज़ू कि जल्वा-ए-जानाना देखिए
रौशन जबीन-ए-यार से काशाना देखिए
छुट जाए जाम-ए-ज़ब्त न फिर हाथ से कहीं
मस्त-ए-शराब-ए-शौक़ है दीवाना देखिए
मंज़िल का होश कुछ है न है राह की ख़बर
ले जाए किस तरफ़ दिल-ए-दीवाना देखिए
किस के जमाल से चमक उठ्ठे हैं बाम-ओ-दर
किस से हुई है रौनक़-ए-काशाना देखिए
रंगीन जोश-ए-गुल से है फिर दामन-ए-बहार
फिर कह रहा है कुछ दिल-ए-दीवाना देखिए
लाया तो है निकाल के उस बज़्म से मुझे
ले जाए अब कहाँ दिल-ए-दीवाना देखिए
ले कर निगाह-ए-शौक़ में उस की ज़िया-ए-हुस्न
हर हर क़दम पे जल्वा-ए-जानाना देखिए
ज़र्रों को इक नज़र में गुलिस्ताँ बनाइए
मिल जाए फूल ख़ाक में ऐसा न देखिए
निकले न शान-ए-हुस्न में इक आह भी 'जलील'
ख़ामोश मिस्ल-ए-नर्गिस-ए-मस्ताना देखिए
hai aarzū ki jalva-e-jānāna dekhiye
raushan jabīn-e-yār se kāshāna dekhiye
chhuT jaa.e jām-e-zabt na phir haath se kahīñ
mast-e-sharāb-e-shauq hai dīvāna dekhiye
manzil kā hosh kuchh hai na hai raah kī ḳhabar
le jaa.e kis taraf dil-e-dīvāna dekhiye
kis ke jamāl se chamak uTThe haiñ bām-o-dar
kis se huī hai raunaq-e-kāshāna dekhiye
rangīn josh-e-gul se hai phir dāman-e-bahār
phir kah rahā hai kuchh dil-e-dīvāna dekhiye
laayā to hai nikāl ke us bazm se mujhe
le jaa.e ab kahāñ dil-e-dīvāna dekhiye
le kar nigāh-e-shauq meñ us kī ziyā-e-husn
har har qadam pe jalva-e-jānāna dekhiye
zarroñ ko ik nazar meñ gulistāñ banā.iye
mil jaa.e phuul ḳhaak meñ aisā na dekhiye
nikle na shān-e-husn meñ ik aah bhī 'jalīl'
ḳhāmosh misl-e-nargis-e-mastāna dekhiye
ہے آرزو کہ جلوۂ جانانہ دیکھیے
روشن جبین یار سے کاشانہ دیکھیے
چھٹ جائے جام ضبط نہ پھر ہاتھ سے کہیں
مست شراب شوق ہے دیوانہ دیکھیے
منزل کا ہوش کچھ ہے نہ ہے راہ کی خبر
لے جائے کس طرف دل دیوانہ دیکھیے
کس کے جمال سے چمک اٹھے ہیں بام و در
کس سے ہوئی ہے رونق کاشانہ دیکھیے
رنگین جوش گل سے ہے پھر دامن بہار
پھر کہہ رہا ہے کچھ دل دیوانہ دیکھیے
لایا تو ہے نکال کے اس بزم سے مجھے
لے جائے اب کہاں دل دیوانہ دیکھیے
لے کر نگاہ شوق میں اس کی ضیائے حسن
ہر ہر قدم پہ جلوۂ جانانہ دیکھیے
ذروں کو اک نظر میں گلستاں بنائیے
مل جائے پھول خاک میں ایسا نہ دیکھیے
نکلے نہ شان حسن میں اک آہ بھی جلیلؔ
خاموش مثل نرگس مستانہ دیکھیے