हदें फैलीं नज़र की फिर भी कम-बीनी नहीं जाती
कि हर सूरत अभी एक आँख से देखी नहीं जाती
ज़मीन-ए-दिल बहुत कुछ नर्म कर दी बे-क़रारी ने
मगर हम हैं इसी एहसास की सख़्ती नहीं जाती
हयात-ए-जामा-ज़ेब और नौ-ब-नौ जामे मगर क्या है
कि इस बर्बाद-सामाँ की तुनुक-रख़ती नहीं जाती
तजल्ली बे-नक़ाब और कोर आँखें क्या क़यामत है
कि सूरज सामने है और सियह-बख़्ती नहीं जाती
मिरा ज़िक्र-ए-वफ़ा लिख कर मोअर्रिख़ ये भी लिखता है
ये इक रस्म-ए-कुहन थी अब कहीं बरती नहीं जाती
मैं क्या मुँह ले के आऊँ आप के आईना-ख़ाने में
ये सूरत ऐसी बिगड़ी है कि पहचानी नहीं जाती
तसव्वुर से भी आगे जुस्तुजू की राह जाती है
वहाँ की बात लेकिन फिर यहाँ लाई नहीं जाती
तकल्लुफ़-बर-तरफ़ रस्म-ए-मुरव्वत तह करो 'रिज़वी'
मोहब्बत आप होती है मोहब्बत की नहीं जाती
hadeñ phailīñ nazar kī phir bhī kam-bīnī nahīñ jaatī
ki har sūrat abhī ek aañkh se dekhī nahīñ jaatī
zamīn-e-dil bahut kuchh narm kar dī be-qarārī ne
magar ham haiñ isī ehsās kī saḳhtī nahīñ jaatī
hayāt-e-jāma-zeb aur nau-ba-nau jaame magar kyā hai
ki is barbād-sāmāñ kī tunuk-raḳhtī nahīñ jaatī
tajallī be-naqāb aur kor āñkheñ kyā qayāmat hai
ki sūraj sāmne hai aur siyah-baḳhtī nahīñ jaatī
mirā zikr-e-vafā likh kar mo.arriḳh ye bhī likhtā hai
ye ik rasm-e-kuhan thī ab kahīñ bartī nahīñ jaatī
maiñ kyā muñh le ke aa.uuñ aap ke ā.īna-ḳhāne meñ
ye sūrat aisī bigḌī hai ki pahchānī nahīñ jaatī
tasavvur se bhī aage justujū kī raah jaatī hai
vahāñ kī baat lekin phir yahāñ laa.ī nahīñ jaatī
takalluf-bar-taraf rasm-e-muravvat tah karo 'rizvī'
mohabbat aap hotī hai mohabbat kī nahīñ jaatī
حدیں پھیلیں نظر کی پھر بھی کم بینی نہیں جاتی
کہ ہر صورت ابھی ایک آنکھ سے دیکھی نہیں جاتی
زمین دل بہت کچھ نرم کر دی بے قراری نے
مگر ہم ہیں اسی احساس کی سختی نہیں جاتی
حیات جامہ زیب اور نو بہ نو جامے مگر کیا ہے
کہ اس برباد ساماں کی تنک رختی نہیں جاتی
تجلی بے نقاب اور کور آنکھیں کیا قیامت ہے
کہ سورج سامنے ہے اور سیہ بختی نہیں جاتی
مرا ذکر وفا لکھ کر مورخ یہ بھی لکھتا ہے
یہ اک رسم کہن تھی اب کہیں برتی نہیں جاتی
میں کیا منہ لے کے آؤں آپ کے آئینہ خانے میں
یہ صورت ایسی بگڑی ہے کہ پہچانی نہیں جاتی
تصور سے بھی آگے جستجو کی راہ جاتی ہے
وہاں کی بات لیکن پھر یہاں لائی نہیں جاتی
تکلف بر طرف رسم مروت تہہ کرو رضویؔ
محبت آپ ہوتی ہے محبت کی نہیں جاتی