हद हो चक्की है शर्म-ए-शकेबाई ख़त्म हो
बेहतर है अब दुआ की पज़ीराई ख़त्म हो
लेंगे हिसाब मुझ से अभी लफ़्ज़ लफ़्ज़ का
यानी ज़रा ये अंजुमन-आराई ख़त्म हो
देखा है इस नवाह में वो कुछ कि ऐ ख़ुदा
अब तो यही दिखा कि ये बीनाई ख़त्म हो
मुमकिन है मुंतज़िर हो कोई ख़ाक-ए-ख़ुश-ख़िसाल
शायद कहीं ये साहिल-ए-रुस्वाई ख़त्म हो
है दूद ख़ाक-दार बहुत पाक हो हवा
पानी है ज़ेर-ए-बार बहुत काई ख़त्म हो
ख़ुश-रंग में घुला हुआ बद-रंग हो जुदा
और शोर में छुपी हुई तन्हाई ख़त्म हो
अपने मुक़ाबिल आप ही आ जाऊँगा कभी
तंग आ चुका हूँ अब मिरी यकताई ख़त्म हो
आकर वो मेरी बात सुने और जवाब दे
गर यूँ नहीं तो फिर ये शनासाई ख़त्म हो
बाज़ार-ए-बोसा तेज़ से है तेज़-तर 'ज़फ़र'
उम्मीद तो नहीं कि ये महँगाई ख़त्म हो
had ho chakkī hai sharm-e-shakebā.ī ḳhatm ho
behtar hai ab duā kī pazīrā.ī ḳhatm ho
leñge hisāb mujh se abhī lafz lafz kā
yaanī zarā ye anjuman-ārā.ī ḳhatm ho
dekhā hai is navāh meñ vo kuchh ki ai ḳhudā
ab to yahī dikhā ki ye bīnā.ī ḳhatm ho
mumkin hai muntazir ho koī ḳhāk-e-ḳhush-ḳhisāl
shāyad kahīñ ye sāhil-e-rusvā.ī ḳhatm ho
hai duud ḳhāk-dār bahut paak ho havā
paanī hai zer-e-bār bahut kaa.ī ḳhatm ho
ḳhush-rañg meñ ghulā huā bad-rañg ho judā
aur shor meñ chhupī huī tanhā.ī ḳhatm ho
apne muqābil aap hī aa jā.ūñgā kabhī
tañg aa chukā huuñ ab mirī yaktā.ī ḳhatm ho
aakar vo merī baat sune aur javāb de
gar yuuñ nahīñ to phir ye shanāsā.ī ḳhatm ho
bāzār-e-bosa tez se hai tez-tar 'zafar'
ummīd to nahīñ ki ye mahñgā.ī ḳhatm ho
حد ہو چکی ہے شرم شکیبائی ختم ہو
بہتر ہے اب دعا کی پذیرائی ختم ہو
لیں گے حساب مجھ سے ابھی لفظ لفظ کا
یعنی ذرا یہ انجمن آرائی ختم ہو
دیکھا ہے اس نواح میں وہ کچھ کہ اے خدا
اب تو یہی دکھا کہ یہ بینائی ختم ہو
ممکن ہے منتظر ہو کوئی خاک خوش خصال
شاید کہیں یہ ساحل رسوائی ختم ہو
ہے دود خاک دار بہت پاک ہو ہوا
پانی ہے زیر بار بہت کائی ختم ہو
خوش رنگ میں گھلا ہوا بد رنگ ہو جدا
اور شور میں چھپی ہوئی تنہائی ختم ہو
اپنے مقابل آپ ہی آ جاؤں گا کبھی
تنگ آ چکا ہوں اب مری یکتائی ختم ہو
آکر وہ میری بات سنے اور جواب دے
گر یوں نہیں تو پھر یہ شناسائی ختم ہو
بازار بوسہ تیز سے ہے تیز تر ظفرؔ
امید تو نہیں کہ یہ مہنگائی ختم ہو