हाथ लहराता रहा वो बैठ कर खिड़की के साथ
मैं अकेला दूर तक भागा गया गाड़ी के साथ
हो गया है ये मकाँ ख़ाली सदाओं से मगर
ज़ेहन अब तक गूँजता है रेल की सीटी के साथ
मुद्दतें जिस को लगी थीं मेरे पास आते हुए
हो गया मुझ से जुदा वो किस क़दर तेज़ी के साथ
कोई बादल मेरे तपते जिस्म पर बरसा नहीं
जल रहा हूँ जाने कब से जिस्म की गर्मी के साथ
नींद कतरा के गुज़र जाती है आँखों से 'नसीम'
जागता रहता हूँ अब मैं शब की वीरानी के साथ
haath lahrātā rahā vo baiTh kar khiḌkī ke saath
maiñ akelā duur tak bhāgā gayā gaaḌī ke saath
ho gayā hai ye makāñ ḳhālī sadāoñ se magar
zehn ab tak gūñjtā hai rail kī siiTī ke saath
muddateñ jis ko lagī thiiñ mere paas aate hue
ho gayā mujh se judā vo kis qadar tezī ke saath
koī bādal mere tapte jism par barsā nahīñ
jal rahā huuñ jaane kab se jism kī garmī ke saath
niind katrā ke guzar jaatī hai āñkhoñ se 'nasīm'
jāgtā rahtā huuñ ab maiñ shab kī vīrānī ke saath
ہاتھ لہراتا رہا وہ بیٹھ کر کھڑکی کے ساتھ
میں اکیلا دور تک بھاگا گیا گاڑی کے ساتھ
ہو گیا ہے یہ مکاں خالی صداؤں سے مگر
ذہن اب تک گونجتا ہے ریل کی سیٹی کے ساتھ
مدتیں جس کو لگی تھیں میرے پاس آتے ہوئے
ہو گیا مجھ سے جدا وہ کس قدر تیزی کے ساتھ
کوئی بادل میرے تپتے جسم پر برسا نہیں
جل رہا ہوں جانے کب سے جسم کی گرمی کے ساتھ
نیند کترا کے گزر جاتی ہے آنکھوں سے نسیمؔ
جاگتا رہتا ہوں اب میں شب کی ویرانی کے ساتھ