हाँ ग़म-ए-दिल की तिरे पास दवा है तो सही
दर्द कुछ तेरी तवज्जोह से सिवा है तो सही
मूजिब-ए-राहत-ए-दिल तेरी वफ़ा है तो सही
कुछ न कुछ फिर भी मुझे तुझ से गिला है तो सही
दिल को मतलूब है इक चीज़ शिफ़ा से भी सिवा
वर्ना यूँ दर्द-ए-मोहब्बत की दवा है तो सही
मैं न कहता था इस आवाज़ से मानूस हूँ मैं
पर्दा-ए-साज़ में तेरी ही सदा है तो सही
अब न खाऊँगा तिरी चश्म-ए-मुरव्वत का फ़रेब
मेरी नज़रों में तिरी तर्ज़-ए-जफ़ा है तो सही
एक दुनिया है कि बेताब पड़ी फिरती है
कुछ न कुछ दर्द-ए-मोहब्बत में मज़ा है तो सही
और दरकार है क्या दिल की तसल्ली के लिए
मुझ से वो शोख़ कई दिन से ख़फ़ा है तो सही
सच है कब तक रहे उम्मीद पे कोई ऐ दिल
अब तिरी बरहमी-ए-शौक़ बजा है तो सही
वाह क्या पाई है रंगीन तबीअ'त मैं ने
कम कहूँ शेर मगर तब-ए-रसा है तो सही
आप के लुत्फ़ की उम्मीद पे जीता है 'जलील'
वर्ना सुनते हैं वो जीने से ख़फ़ा है तो सही
haañ ġham-e-dil kī tire paas davā hai to sahī
dard kuchh terī tavajjoh se sivā hai to sahī
mūjib-e-rāhat-e-dil terī vafā hai to sahī
kuchh na kuchh phir bhī mujhe tujh se gila hai to sahī
dil ko matlūb hai ik chiiz shifā se bhī sivā
varna yuuñ dard-e-mohabbat kī davā hai to sahī
maiñ na kahtā thā is āvāz se mānūs huuñ maiñ
parda-e-sāz meñ terī hī sadā hai to sahī
ab na khā.ūñgā tirī chashm-e-muravvat kā fareb
merī nazroñ meñ tirī tarz-e-jafā hai to sahī
ek duniyā hai ki betāb paḌī phirtī hai
kuchh na kuchh dard-e-mohabbat meñ mazā hai to sahī
aur darkār hai kyā dil kī tasallī ke liye
mujh se vo shoḳh ka.ī din se ḳhafā hai to sahī
sach hai kab tak rahe ummīd pe koī ai dil
ab tirī barhamī-e-shauq bajā hai to sahī
vaah kyā paa.ī hai rangīn tabī.at maiñ ne
kam kahūñ sher magar tab-e-rasā hai to sahī
aap ke lutf kī ummīd pe jiitā hai 'jalīl'
varna sunte haiñ vo jiine se ḳhafā hai to sahī
ہاں غم دل کی ترے پاس دوا ہے تو سہی
درد کچھ تیری توجہ سے سوا ہے تو سہی
موجب راحت دل تیری وفا ہے تو سہی
کچھ نہ کچھ پھر بھی مجھے تجھ سے گلہ ہے تو سہی
دل کو مطلوب ہے اک چیز شفا سے بھی سوا
ورنہ یوں درد محبت کی دوا ہے تو سہی
میں نہ کہتا تھا اس آواز سے مانوس ہوں میں
پردۂ ساز میں تیری ہی صدا ہے تو سہی
اب نہ کھاؤں گا تری چشم مروت کا فریب
میری نظروں میں تری طرز جفا ہے تو سہی
ایک دنیا ہے کہ بیتاب پڑی پھرتی ہے
کچھ نہ کچھ درد محبت میں مزا ہے تو سہی
اور درکار ہے کیا دل کی تسلی کے لئے
مجھ سے وہ شوخ کئی دن سے خفا ہے تو سہی
سچ ہے کب تک رہے امید پہ کوئی اے دل
اب تری برہمیٔ شوق بجا ہے تو سہی
واہ کیا پائی ہے رنگین طبیعت میں نے
کم کہوں شعر مگر طبع رسا ہے تو سہی
آپ کے لطف کی امید پہ جیتا ہے جلیلؔ
ورنہ سنتے ہیں وہ جینے سے خفا ہے تو سہی