हालत-ए-दिल वही रही मक़्सद-ए-दिल को पा के भी
हम तो सुकूँ न पा सके उन के क़रीब जा के भी
इज़्न-ए-नज़ारा तो दिया जुरअत-ए-दीद छीन ली
वो कभी सामने न आए रुख़ से हिजाब उठा के भी
दिल है न ज़ौक़-ए-आरज़ू कोई तलब न जुस्तुजू
अब वो करेंगे क्या मुझे साहिब-ए-दिल बना के भी
पास-ए-रज़ा-ए-दोस्त को अहल-ए-वफ़ा से पूछिए
कुछ न ज़बाँ से कह सके उन का इशारा पा के भी
खुल गया राज़-ए-हाल-ए-दिल जब वो हरीम-ए-नाज़ में
हम से नज़र चुराईए सब से नज़र मिला के भी
यूँ भी इक इम्तिहाँ सही जज़्ब-ए-दरून-ए-इश्क़ का
कुछ दिनों देख लीजिए दिल से हमें भुला के भी
कम हुई क्या फ़सुर्दगी 'कैफ़'-ए-अलम-नसीब की
आप ने देख तो लिया बारहा मुस्कुरा के भी
hālat-e-dil vahī rahī maqsad-e-dil ko pā ke bhī
ham to sukūñ na pā sake un ke qarīb jā ke bhī
izn-e-nazāra to diyā jur.at-e-dīd chhīn lī
vo kabhī sāmne na aa.e ruḳh se hijāb uThā ke bhī
dil hai na zauq-e-ārzū koī talab na justujū
ab vo kareñge kyā mujhe sāhib-e-dil banā ke bhī
pās-e-razā-e-dost ko ahl-e-vafā se pūchhiye
kuchh na zabāñ se kah sake un kā ishāra pā ke bhī
khul gayā rāz-e-hāl-e-dil jab vo harīm-e-nāz meñ
ham se nazar churā.iye sab se nazar milā ke bhī
yuuñ bhī ik imtihāñ sahī jazb-e-darūn-e-ishq kā
kuchh dinoñ dekh lījiye dil se hameñ bhulā ke bhī
kam huī kyā fasurdagī 'kaif'-e-alam-nasīb kī
aap ne dekh to liyā bārhā muskurā ke bhī
حالت دل وہی رہی مقصد دل کو پا کے بھی
ہم تو سکوں نہ پا سکے ان کے قریب جا کے بھی
اذن نظارہ تو دیا جرأت دید چھین لی
وہ کبھی سامنے نہ آئے رخ سے حجاب اٹھا کے بھی
دل ہے نہ ذوق آرزو کوئی طلب نہ جستجو
اب وہ کریں گے کیا مجھے صاحب دل بنا کے بھی
پاس رضائے دوست کو اہل وفا سے پوچھئے
کچھ نہ زباں سے کہہ سکے ان کا اشارہ پا کے بھی
کھل گیا راز حال دل جب وہ حریم ناز میں
ہم سے نظر چرائیے سب سے نظر ملا کے بھی
یوں بھی اک امتحاں سہی جذب درون عشق کا
کچھ دنوں دیکھ لیجئے دل سے ہمیں بھلا کے بھی
کم ہوئی کیا فسردگی کیفؔ الم نصیب کی
آپ نے دیکھ تو لیا بارہا مسکرا کے بھی