गुलशन नहीं देखे कि बयाबाँ नहीं देखा
तुझ सा कोई ऐ रश्क-ए-गुलिस्ताँ नहीं देखा
हर हाल में मम्नून है वो तेरे करम का
दीवाने को तेरे कभी गिर्यां नहीं देखा
थी शाक़ दम-ए-क़ैद जो गुलशन से जुदाई
मुँह फेर के भी मैं ने गुलिस्ताँ नहीं देखा
हर-चंद शब-ओ-रोज़ रही मश्क़-ए-तसव्वुर
आँखों ने मगर वो रुख़-ए-ताबाँ नहीं देखा
किस दर्जा वो मजबूर भी है रहम के क़ाबिल
जिस को कि किसी ने कभी गिर्यां नहीं देखा
ऐसा कि जिसे कुफ़्र का 'इरफ़ान हो हासिल
दुनिया में कोई साहब-ए-ईमाँ नहीं देखा
होने को 'जलील' और हैं नाकाम हज़ारों
तुझ सा भी कोई सोख़्ता-सामाँ नहीं देखा
gulshan nahīñ dekhe ki bayābāñ nahīñ dekhā
tujh sā koī ai rashk-e-gulistāñ nahīñ dekhā
har haal meñ mamnūn hai vo tere karam kā
dīvāne ko tere kabhī giryāñ nahīñ dekhā
thī shaaq dam-e-qaid jo gulshan se judā.ī
muñh pher ke bhī maiñ ne gulistāñ nahīñ dekhā
har-chand shab-o-roz rahī mashq-e-tasavvur
āñkhoñ ne magar vo ruḳh-e-tābāñ nahīñ dekhā
kis darja vo majbūr bhī hai rahm ke qābil
jis ko ki kisī ne kabhī giryāñ nahīñ dekhā
aisā ki jise kufr kā 'irfān ho hāsil
duniyā meñ koī sāhab-e-īmāñ nahīñ dekhā
hone ko 'jalīl' aur haiñ nākām hazāroñ
tujh sā bhī koī soḳhta-sāmāñ nahīñ dekhā
گلشن نہیں دیکھے کہ بیاباں نہیں دیکھا
تجھ سا کوئی اے رشک گلستاں نہیں دیکھا
ہر حال میں ممنون ہے وہ تیرے کرم کا
دیوانہ کو تیرے کبھی گریاں نہیں دیکھا
تھی شاق دم قید جو گلشن سے جدائی
منہ پھیر کے بھی میں نے گلستاں نہیں دیکھا
ہر چند شب و روز رہی مشق تصور
آنکھوں نے مگر وہ رخ تاباں نہیں دیکھا
کس درجہ وہ مجبور بھی ہے رحم کے قابل
جس کو کہ کسی نے کبھی گریاں نہیں دیکھا
ایسا کہ جسے کفر کا عرفان ہو حاصل
دنیا میں کوئی صاحب ایماں نہیں دیکھا
ہونے کو جلیلؔ اور ہیں ناکام ہزاروں
تجھ سا بھی کوئی سوختہ ساماں نہیں دیکھا