गुलशन में तिरे हुस्न की जब बात चली है
ठहरी है नज़र गुल पे न ग़ुंचे पे रुकी है
रखती है जिगर गरचे वो नाज़ुक सी कली है
तूफ़ानों से खेली है वो काँटों में पली है
जो लब पे न आ पाई वो आँखों ने कही है
आँखें भी न कह पाईं जो वो दिल ने सुनी है
आ कर तिरे दर पर मुझे एहसास हुआ ये
भटकी हुई कश्ती मिरी साहिल से लगी है
कितने ही चमन उजड़े हुए ख़ाक नशेमन
क्या वक़्त की आँखों में कभी आई नमी है
एक बूँद को तरसा कोई है पी के कोई मस्त
मयख़ाने का साक़ी अभी अंदाज़ वही है
देखा है 'हबीब' उस ने जो एक बार करम से
हर शय मुझे अब प्यार से ही देख रही है
gulshan meñ tire husn kī jab baat chalī hai
Thahrī hai nazar gul pe na ġhunche pe rukī hai
rakhtī hai jigar garche vo nāzuk sī kalī hai
tūfānoñ se khelī hai vo kāñToñ meñ palī hai
jo lab pe na aa paa.ī vo āñkhoñ ne kahī hai
āñkheñ bhī na kah pā.īñ jo vo dil ne sunī hai
aa kar tire dar par mujhe ehsās huā ye
bhaTkī huī kashtī mirī sāhil se lagī hai
kitne hī chaman ujḌe hue ḳhaak nasheman
kyā vaqt kī āñkhoñ meñ kabhī aa.ī namī hai
ek buuñd ko tarsā koī hai pī ke koī mast
maiḳhāne kā saaqī abhī andāz vahī hai
dekhā hai 'habīb' us ne jo ek baar karam se
har shai mujhe ab pyaar se hī dekh rahī hai
گلشن میں ترے حسن کی جب بات چلی ہے
ٹھہری ہے نظر گل پہ نہ غنچے پہ رکی ہے
رکھتی ہے جگر گرچہ وہ نازک سی کلی ہے
طوفانوں سے کھیلی ہے وہ کانٹوں میں پلی ہے
جو لب پہ نہ آ پائی وہ آنکھوں نے کہی ہے
آنکھیں بھی نہ کہہ پائیں جو وہ دل نے سنی ہے
آ کر ترے در پر مجھے احساس ہوا یہ
بھٹکی ہوئی کشتی مری ساحل سے لگی ہے
کتنے ہی چمن اجڑے ہوئے خاک نشیمن
کیا وقت کی آنکھوں میں کبھی آئی نمی ہے
ایک بوند کو ترسا کوئی ہے پی کے کوئی مست
میخانے کا ساقی ابھی انداز وہی ہے
دیکھا ہے حبیبؔ اس نے جو ایک بار کرم سے
ہر شے مجھے اب پیار سے ہی دیکھ رہی ہے