घुप अंधेरा है क्या क़यामत है
इक तबस्सुम की फिर ज़रूरत है
सर को सीने पे रख के सुन लीजे
आप से दिल को कुछ शिकायत है
नासेहों से है मय-कशी का फ़रोग़
शौक़ पर्वर्दा-ए-मलामत है
दिल की धड़कन जो है मदार-ए-हयात
इक ज़रा तेज़ हो तो आफ़त है
आग पानी से भाप उठती रही
हम समझते रहे मोहब्बत है
दहर में हम कमाल-ए-सनअ'त हैं
और बाक़ी फ़रेब-ए-सनअ'त है
ज़ुल्फ़ बिखरा दो दोनों आलम पर
कि अँधेरे की फिर ज़रूरत है
अभी जीने का हुक्म है 'रिज़वी'
और क्या जाने क्या मुसीबत है
ghup añdherā hai kyā qayāmat hai
ik tabassum kī phir zarūrat hai
sar ko siine pe rakh ke sun liije
aap se dil ko kuchh shikāyat hai
nāsehoñ se hai mai-kashī kā faroġh
shauq parvarda-e-malāmat hai
dil kī dhaḌkan jo hai madār-e-hayāt
ik zarā tez ho to aafat hai
aag paanī se bhaap uThtī rahī
ham samajhte rahe mohabbat hai
dahr meñ ham kamāl-e-san.at haiñ
aur baaqī fareb-e-san.at hai
zulf bikhrā do donoñ aalam par
ki añdhere kī phir zarūrat hai
abhī jiine kā hukm hai 'rizvī'
aur kyā jaane kyā musībat hai
گھپ اندھیرا ہے کیا قیامت ہے
اک تبسم کی پھر ضرورت ہے
سر کو سینے پہ رکھ کے سن لیجے
آپ سے دل کو کچھ شکایت ہے
ناصحوں سے ہے مے کشی کا فروغ
شوق پروردۂ ملامت ہے
دل کی دھڑکن جو ہے مدار حیات
اک ذرا تیز ہو تو آفت ہے
آگ پانی سے بھاپ اٹھتی رہی
ہم سمجھتے رہے محبت ہے
دہر میں ہم کمال صنعت ہیں
اور باقی فریب صنعت ہے
زلف بکھرا دو دونوں عالم پر
کہ اندھیرے کی پھر ضرورت ہے
ابھی جینے کا حکم ہے رضویؔ
اور کیا جانے کیا مصیبت ہے