घटा दिया रुत्बा हर हसीं का मिटा दिया रंग हूर-ए-ईं का
नहीं है ये चाँद चौदहवीं का शबाब का मेरे मह-जबीं का
ये रात है वस्ल की मिरी जाँ भरे हैं दिल में हज़ारों अरमाँ
नहीं न निकले ज़बाँ से हाँ हाँ अरे ये मौक़ा' नहीं नहीं का
तबाह वहशत में हूँ मैं दर दर अभी बिगड़ जाए ये बना घर
जो दिल में रक्खूँ तुझे सितमगर तो दिल न रक्खे मुझे कहीं का
न क़त्ल से मेरे हाथ खींचो लहू बहा कर बहार देखो
पड़ेगी उड़ कर जो छींट इस की बनेगी वो फूल आस्तीं का
सितम था बचपन का वो ज़माना ग़ज़ब वो दिल का पसंद आता
वो गोद में मेरी लोट जाना मचल मचल कर किसी हसीं का
तुम्हीं से रू-ए-ज़मीं मोअत्तर तुम्हीं से सतह-ए-फ़लक मुनव्वर
तुम्हीं तो हो फूल यासमीं का तुम्हीं तो हो चाँद चौदहवीं का
उधर सबा ने ये गुल खिलाया चमन में कलियों को गुदगुदाया
इधर हँसी ने सितम ये ढाया कि मुँह लिया चूम उस हसीं का
ये रात इतनी जो बढ़ गई है सियाही इतनी जो चढ़ गई है
कहीं खुला है ज़रूर जोड़ा किसी के गेसू-ए-अम्बरीं का
जो ग़ैर से यार तू मिला है तो देख कैसा डुबो रहा है
तुझे मिरे आँसुओं का दरिया मुझे पसीना तिरी जबीं का
न बहर जारी सहाब से है न चाह लबरेज़ आब से है
वो दामन-ए-तर का इक लक़ब है ये नाम है मेरी आस्तीं का
जो देख ले उस की सूरत इंसान अगर हो काफ़िर तो लाए ईमाँ
जमाल क्या है बुत-ए-हसीं का कमाल है सूरत-आफ़रीं का
न शौक़-ए-नज़्ज़ारा मुझ से पूछो ये कह के सोता हूँ रोज़ शब को
उठूँ जो मैं सुब्ह को इलाही तो मुँह दिखाना किसी हसीं का
कुछ ऐसी की मैं ने जब्हा-साई कि मिट गई बख़्त की बुराई
मिला जो उस दर से दाग़-ए-सज्दा सितारा चमका मिरी जबीं का
ज़बाँ से हो शुक्र अदा कहाँ तक बड़ा ही था दिल-नवाज़ नावक
कुछ इस अदा से जिगर पे बैठा मज़ा मिला यार-ए-हम-नशीं का
फिरा अदम से न कोई हमदम कि हाल यारों का पूछते हम
अजीब दिलचस्प है दो-आलम कि जो गया हो गया वहीं का
अरक़ अरक़ है जो रू-ए-गुल-गूँ ये ख़ूब मौक़ा' है अब न चौकूँ
मैं सरनविश्त अपनी धो ही डालूँ पसीना ले कर तिरी जबीं का
'जलील' क्या बात इस सुख़न की ग़ज़ल में है ताज़गी चमन की
जो शेर है शाख़ नस्तरन की जो लफ़्ज़ है फूल यासमीं का
ghaTā diyā rutba har hasīñ kā miTā diyā rañg hūr-e-īñ kā
nahīñ hai ye chāñd chaudhvīñ kā shabāb kā mere mah-jabīñ kā
ye raat hai vasl kī mirī jaañ bhare haiñ dil meñ hazāroñ armāñ
nahīñ na nikle zabāñ se haañ haañ are ye mauqa.a nahīñ nahīñ kā
tabāh vahshat meñ huuñ maiñ dar dar abhī bigaḌ jaa.e ye banā ghar
jo dil meñ rakkhūñ tujhe sitamgar to dil na rakkhe mujhe kahīñ kā
na qatl se mere haath khīñcho lahū bahā kar bahār dekho
paḌegī uḌ kar jo chhīñT is kī banegī vo phuul āstīñ kā
sitam thā bachpan kā vo zamāna ġhazab vo dil kā pasand aatā
vo god meñ merī loT jaanā machal machal kar kisī hasīñ kā
tumhīñ se rū-e-zamīñ mo.attar tumhīñ se sat.h-e-falak munavvar
tumhīñ to ho phuul yāsmīñ kā tumhīñ to ho chāñd chaudhvīñ kā
udhar sabā ne ye gul khilāyā chaman meñ kaliyoñ ko gudgudāyā
idhar hañsī ne sitam ye Dhāyā ki muñh liyā chuum us hasīñ kā
ye raat itnī jo baḌh ga.ī hai siyāhī itnī jo chaḌh ga.ī hai
kahīñ khulā hai zarūr joḌā kisī ke gesū-e-ambarīñ kā
jo ġhair se yaar tū milā hai to dekh kaisā Dubo rahā hai
tujhe mire āñsuoñ kā dariyā mujhe pasīna tirī jabīñ kā
na bahr jaarī sahāb se hai na chaah labrez aab se hai
vo dāman-e-tar kā ik laqab hai ye naam hai merī āstīñ kā
jo dekh le us kī sūrat insān agar ho kāfir to laa.e īmāñ
jamāl kyā hai but-e-hasīñ kā kamāl hai sūrat-āfrīñ kā
na shauq-e-nazzāra mujh se pūchho ye kah ke sotā huuñ roz shab ko
uThūñ jo maiñ sub.h ko ilāhī to muñh dikhānā kisī hasīñ kā
kuchh aisī kī maiñ ne jab.ha-sā.ī ki miT ga.ī baḳht kī burā.ī
milā jo us dar se dāġh-e-sajda sitāra chamkā mirī jabīñ kā
zabāñ se ho shukr adā kahāñ tak baḌā hī thā dil-navāz nāvak
kuchh is adā se jigar pe baiThā maza milā yār-e-ham-nashīñ kā
phirā adam se na koī hamdam ki haal yāroñ kā pūchhte ham
ajiib dilchasp hai do-ālam ki jo gayā ho gayā vahīñ kā
araq araq hai jo rū-e-gul-gūñ ye ḳhuub mauqa.a hai ab na chaukūñ
maiñ sarnavisht apnī dho hī Dālūñ pasīna le kar tirī jabīñ kā
'jalīl' kyā baat is suḳhan kī ġhazal meñ hai tāzgī chaman kī
jo sher hai shāḳh nastaran kī jo lafz hai phuul yāsmīñ kā
گھٹا دیا رتبہ ہر حسیں کا مٹا دیا رنگ حور عین کا
نہیں ہے یہ چاند چودھویں کا شباب کا میرے مہ جبیں کا
یہ رات ہے وصل کی مری جاں بھرے ہیں دل میں ہزاروں ارماں
نہیں نہ نکلے زباں سے ہاں ہاں ارے یہ موقع نہیں نہیں کا
تباہ وحشت میں ہوں میں در در ابھی بگڑ جائے یہ بنا گھر
جو دل میں رکھوں تجھے ستم گر تو دل نہ رکھے مجھے کہیں کا
نہ قتل سے میرے ہاتھ کھینچو لہو بہا کر بہار دیکھو
پڑے گی اڑ کر جو چھینٹ اس کی بنے گی وہ پھول آستیں کا
ستم تھا بچپن کا وہ زمانہ غضب وہ دل کا پسند آتا
وہ گود میں میری لوٹ جانا مچل مچل کر کسی حسیں کا
تمہیں سے روئے زمیں معطر تمہیں سے سطح فلک منور
تمہیں تو ہو پھول یاسمیں کا تمہیں تو ہو چاند چودھویں کا
ادھر صبا نے یہ گل کھلایا چمن میں کلیوں کو گدگدایا
ادھر ہنسی نے ستم یہ ڈھایا کہ منہ لیا چوم اس حسیں کا
یہ رات اتنی جو بڑھ گئی ہے سیاہی اتنی جو چڑھ گئی ہے
کہیں کھلا ہے ضرور جوڑا کسی کے گیسوئے عنبریں کا
جو غیر سے یار تو ملا ہے تو دیکھ کیسا ڈبو رہا ہے
تجھے مرے آنسوؤں کا دریا مجھے پسینہ تری جبیں کا
نہ بحر جاری سحاب سے ہے نہ چاہ لبریز آب سے ہے
وہ دامن تر کا اک لقب ہے یہ نام ہے میری آستیں کا
جو دیکھ لے اس کی صورت انسان اگر ہو کافر تو لائے ایماں
جمال کیا ہے بت حسیں کا کمال ہے صورت آفریں کا
نہ شوق نظارہ مجھ سے پوچھو یہ کہہ کے سوتا ہوں روز شب کو
اٹھوں جو میں صبح کو الٰہی تو منہ دکھانا کسی حسیں کا
کچھ ایسی کی میں نے جبہہ سائی کہ مٹ گئی بخت کی برائی
ملا جو اس در سے داغ سجدہ ستارہ چمکا مری جبیں کا
زباں سے ہو شکر ادا کہاں تک بڑا ہی تھا دل نواز ناوک
کچھ اس ادا سے جگر پہ بیٹھا مزہ ملا یار ہم نشیں کا
پھرا عدم سے نہ کوئی ہمدم کہ حال یاروں کا پوچھتے ہم
عجیب دلچسپ ہے دو عالم کہ جو گیا ہو گیا وہیں کا
عرق عرق ہے جو روئے گلگوں یہ خوب موقع ہے اب نہ چونکوں
میں سر نوشت اپنی دھو ہی ڈالوں پسینہ لے کر تری جبیں کا
جلیلؔ کیا بات اس سخن کی غزل میں ہے تازگی چمن کی
جو شعر ہے شاخ نسترن کی جو لفظ ہے پھول یاسمیں کا