घड़ी-भर ख़ल्वतों को आँच दे कर बुझ गया सूरज
किसी के दर्द की लय पर कहाँ तक नाचता सूरज
निगाहों में नए अंदाज़ से फिर रौशनी होगी
जब उग आएगा ज़ेहनों में हमारे इक नया सूरज
ज़मीं का कर्ब औज-ए-आसमाँ पर भी झलक उट्ठा
नशेब-ए-कोह पर जुरअत से जब जब आ मिला सूरज
हमारे घर के आँगन में सितारे बुझ गए लाखों
हमारी ख़्वाब गाहों में न चमका सुब्ह का सूरज
शबिस्ताँ-दर-शबिस्ताँ ज़ुल्मतों की एक यूरिश है
हर इक दामन से लिपटा है लरज़ता हाँफता सूरज
हमारे बाम-ए-दर से आज भी लिपटी है तारीकी
हमारे आसमानों में बताओ कब उगा सूरज
सुना दी दास्ताँ अपनी जो हम ने बे-ज़बाँ हो कर
मिसाल-ए-क़तरा शबनम बिखर कर रो पड़ा सूरज
ghaḌī-bhar ḳhalvatoñ ko aañch de kar bujh gayā sūraj
kisī ke dard kī lai par kahāñ tak nāchtā sūraj
nigāhoñ meñ na.e andāz se phir raushnī hogī
jab ug aa.egā zehnoñ meñ hamāre ik nayā sūraj
zamīñ kā karb auj-e-āsmāñ par bhī jhalak uTThā
nasheb-e-koh par jur.at se jab jab aa milā sūraj
hamāre ghar ke āñgan meñ sitāre bujh ga.e lākhoñ
hamārī ḳhvāb gāhoñ meñ na chamkā sub.h kā sūraj
shabistāñ-dar-shabistāñ zulmatoñ kī ek yūrish hai
har ik dāman se lipTā hai laraztā hāñptā sūraj
hamāre bām-e-dar se aaj bhī lipTī hai tārīkī
hamāre āsmānoñ meñ batāo kab ugā sūraj
sunā dī dāstāñ apnī jo ham ne be-zabāñ ho kar
misāl-e-qatra shabnam bikhar kar ro paḌā sūraj
گھڑی بھر خلوتوں کو آنچ دے کر بجھ گیا سورج
کسی کے درد کی لے پر کہاں تک ناچتا سورج
نگاہوں میں نئے انداز سے پھر روشنی ہوگی
جب اگ آئے گا ذہنوں میں ہمارے اک نیا سورج
زمیں کا کرب اوج آسماں پر بھی جھلک اٹھا
نشیب کوہ پر جرأت سے جب جب آ ملا سورج
ہمارے گھر کے آنگن میں ستارے بجھ گئے لاکھوں
ہماری خواب گاہوں میں نہ چمکا صبح کا سورج
شبستاں در شبستاں ظلمتوں کی ایک یورش ہے
ہر اک دامن سے لپٹا ہے لرزتا ہانپتا سورج
ہمارے بام در سے آج بھی لپٹی ہے تاریکی
ہمارے آسمانوں میں بتاؤ کب اگا سورج
سنا دی داستاں اپنی جو ہم نے بے زباں ہو کر
مثال قطرہ شبنم بکھر کر رو پڑا سورج