दौलत-ए-हक़ मुझ को हासिल हो गई है
ज़िंदगी अब और मुश्किल हो गई है
अब नहीं आसान दुनिया से गुज़रना
इस की परछाईं मुक़ाबिल हो गई है
लोग मंज़िल की तरफ़ लपके हैं लेकिन
भीड़ में ग़फ़लत भी शामिल हो गई है
साथ तूफ़ान-ए-हवादिस है मगर अब
ज़िंदगी नज़दीक-ए-साहिल हो गई है
दूसरी दुनियाओं की चाहत में देखो
मेरी दुनिया ख़ुद से ग़ाफ़िल हो गई है
दिन हक़ाएक़ से उलझते कट गया फिर
रात लेकिन नज़्र-ए-बातिल हो गई है
जब कभी लफ़्ज़ों को मैं ने दी सदाएँ
इक सदा-ए-ग़ैब नाज़िल हो गई है
daulat-e-haq mujh ko hāsil ho ga.ī hai
zindagī ab aur mushkil ho ga.ī hai
ab nahīñ āsān duniyā se guzarnā
is kī parchhā.īñ muqābil ho ga.ī hai
log manzil kī taraf lapke haiñ lekin
bhiiḌ meñ ġhaflat bhī shāmil ho ga.ī hai
saath tūfān-e-havādis hai magar ab
zindagī nazdīk-e-sāhil ho ga.ī hai
dūsrī duniyāoñ kī chāhat meñ dekho
merī duniyā ḳhud se ġhāfil ho ga.ī hai
din haqā.eq se ulajhte kaT gayā phir
raat lekin nazr-e-bātil ho ga.ī hai
jab kabhī lafzoñ ko maiñ ne dī sadā.eñ
ik sadā-e-ġhaib nāzil ho ga.ī hai
دولت حق مجھ کو حاصل ہو گئی ہے
زندگی اب اور مشکل ہو گئی ہے
اب نہیں آسان دنیا سے گزرنا
اس کی پرچھائیں مقابل ہو گئی ہے
لوگ منزل کی طرف لپکے ہیں لیکن
بھیڑ میں غفلت بھی شامل ہو گئی ہے
ساتھ طوفان حوادث ہے مگر اب
زندگی نزدیک ساحل ہو گئی ہے
دوسری دنیاؤں کی چاہت میں دیکھو
میری دنیا خود سے غافل ہو گئی ہے
دن حقائق سے الجھتے کٹ گیا پھر
رات لیکن نذر باطل ہو گئی ہے
جب کبھی لفظوں کو میں نے دی صدائیں
اک صدائے غیب نازل ہو گئی ہے