ग़ज़ब की धूम शबिस्तान-ए-रोज़गार में है
कशिश बला की तमाशा-ए-नागवार में है
दिखाई आज ही आँखों ने सूरत-ए-फ़र्दा
ख़िज़ाँ की सैर भी हंगामा-ए-बहार में है
ग़ुबार बन के लिपटती है दामन-ए-दिल से
मिटे पे भी वही दिल-बस्तगी बहार में है
दुआ-ए-शौक़ कुजा एक हाथ है दिल पर
और एक हाथ गरेबान-ए-तार-ए-तार में है
हनूज़ गोश-बर-आवाज़ ग़ैर है कोई
उमीद-वार-ए-अज़ल अब तक इंतिज़ार में है
क़सम है वादा-ए-सब्र-आज़मा-ए-जानाँ की
कि लज़्ज़त-ए-अबदी है तो इंतिज़ार में है
दवा में और दुआ में तो अब असर मा'लूम
बस इक उमीद-ए-असर ज़ब्त-ए-नागवार में है
चले-चलो दिल-ए-दीवाना के इशारे पर
मुहाल-ओ-मुम्किन तो सब उस के इख़्तियार में है
ġhazab kī dhuum shabistān-e-rozgār meñ hai
kashish balā kī tamāshā-e-nāgavār meñ hai
dikhā.ī aaj hī āñkhoñ ne sūrat-e-fardā
ḳhizāñ kī sair bhī hañgāma-e-bahār meñ hai
ġhubār ban ke lipaTtī hai dāman-e-dil se
miTe pe bhī vahī dil-bastagī bahār meñ hai
duā-e-shauq kujā ek haath hai dil par
aur ek haath garebān-e-tār-tār meñ hai
hanūz gosh-bar-āvāz ġhair hai koī
umīd-vār-e-azal ab tak intizār meñ hai
qasam hai vāda-e-sabr-āzmā-e-jānāñ kī
ki lazzat-e-abadī hai to intizār meñ hai
davā meñ aur duā meñ to ab asar ma.alūm
bas ik umīd-e-asar zabt-e-nāgavār meñ hai
chale-chalo dil-e-dīvāna ke ishāre par
muhāl-o-mumkin to sab us ke iḳhtiyār meñ hai
غضب کی دھوم شبستان روزگار میں ہے
کشش بلا کی تماشائے ناگوار میں ہے
دکھائی آج ہی آنکھوں نے صورت فردا
خزاں کی سیر بھی ہنگامۂ بہار میں ہے
غبار بن کے لپٹتی ہے دامن دل سے
مٹے پہ بھی وہی دل بستگی بہار میں ہے
دعائے شوق کجا ایک ہاتھ ہے دل پر
اور ایک ہاتھ گریبان تار تار میں ہے
ہنوز گوش بر آواز غیر ہے کوئی
امیدوار ازل اب تک انتظار میں ہے
قسم ہے وعدۂ صبر آزمائے جاناں کی
کہ لذت ابدی ہے تو انتظار میں ہے
دوا میں اور دعا میں تو اب اثر معلوم
بس اک امید اثر ضبط ناگوار میں ہے
چلے چلو دل دیوانہ کے اشارے پر
محال و ممکن تو سب اس کے اختیار میں ہے