गर मेरे बुत-ए-होश-रुबा को नहीं देखा
उस देखने वाले ने ख़ुदा को नहीं देखा
रहबर से ग़रज़ क्या है जो मंज़िल नज़र आए
का'बे में कहे क़िबला-नुमा को नहीं देखा
जिस शक्ल से हँसते हैं मिरे हाल पे अहबाब
रोते हुए यूँ अहल-ए-अज़ा को नहीं देखा
इतना तो बता दे मुझे ऐ नासेह-ए-मुश्फ़िक़
देखा है कि उस माह-लक़ा को नहीं देखा
जब 'दाग़' को ढूँढा किसी बुत-ख़ाने में पाया
घर में कभी उस मर्द-ए-ख़ुदा को नहीं देखा
gar mere but-e-hosh-rubā ko nahīñ dekhā
us dekhne vaale ne ḳhudā ko nahīñ dekhā
rahbar se ġharaz kyā hai jo manzil nazar aa.e
ka.abe meñ kahe qibla-numā ko nahīñ dekhā
jis shakl se hañste haiñ mire haal pe ahbāb
rote hue yuuñ ahl-e-azā ko nahīñ dekhā
itnā to batā de mujhe ai nāseh-e-mushfiq
dekhā hai ki us māh-laqā ko nahīñ dekhā
jab 'dāġh' ko DhūñDhā kisī but-ḳhāne meñ paayā
ghar meñ kabhī us mard-e-ḳhudā ko nahīñ dekhā
گر میرے بت ہوش ربا کو نہیں دیکھا
اس دیکھنے والے نے خدا کو نہیں دیکھا
رہبر سے غرض کیا ہے جو منزل نظر آئے
کعبے میں کہے قبلہ نما کو نہیں دیکھا
جس شکل سے ہنستے ہیں مرے حال پہ احباب
روتے ہوئے یوں اہل عزا کو نہیں دیکھا
اتنا تو بتا دے مجھے اے ناصح مشفق
دیکھا ہے کہ اس ماہ لقا کو نہیں دیکھا
جب داغؔ کو ڈھونڈھا کسی بت خانے میں پایا
گھر میں کبھی اس مرد خدا کو نہیں دیکھا