ग़म से कहीं नजात मिले चैन पाएँ हम
दिल ख़ून में नहाए तो गंगा नहाएँ हम
जन्नत में जाएँ हम कि जहन्नम में जाएँ हम
मिल जाए तो कहीं न कहीं तुझ को पाएँ हम
जौफ़-ए-फ़लक में ख़ाक भी लज़्ज़त नहीं रही
जी चाहता है तेरी जफ़ाएँ उठाएँ हम
डर है न भूल जाए वो सफ़्फ़ाक रोज़-ए-हश्र
दुनिया में लिखते जाते हैं अपनी ख़ताएँ हम
मुमकिन है ये कि वादे पर अपने वो आ भी जाए
मुश्किल ये है कि आप में उस वक़्त आएँ हम
नाराज़ हो ख़ुदा तो करें बंदगी से ख़ुश
माशूक़ रूठ जाए तो क्यूँकर मनाएँ हम
सर दोस्तों का काट के रखते हैं सामने
ग़ैरों से पूछते हैं क़सम किस की खाएँ हम
कितना तिरा मिज़ाज ख़ुशामद-पसंद है
कब तक करें ख़ुदा के लिए इल्तिजाएँ हम
लालच अबस है दिल का तुम्हें वक़्त-ए-वापसीं
ये माल वो नहीं कि जिसे छोड़ जाएँ हम
सौंपा तुम्हें ख़ुदा को चले हम तो ना-मुराद
कुछ पढ़ के बख़्शना जो कभी याद आएँ हम
सोज़-ए-दरूँ से अपने शरर बन गए हैं अश्क
क्यूँ आह-ए-सर्द को न पतिंगे लगाएँ हम
ये जान तुम न लोगे अगर आप जाएगी
उस बेवफ़ा की ख़ैर कहाँ तक मनाएँ हम
हम-साए जागते रहे नालों से रात भर
सोए हुए नसीब को क्यूँकर जगाएँ हम
जल्वा दिखा रहा है वो आईना-ए-जमाल
आती है हम को शर्म कि क्या मुँह दिखाएँ हम
मानो कहा जफ़ा न करो तुम वफ़ा के बा'द
ऐसा न हो कि फेर लें उल्टी दुआएँ हम
दुश्मन से मिलते जुलते हैं ख़ातिर से दोस्ती
क्या फ़ाएदा जो दोस्त को दुश्मन बनाएँ हम
तू भूलने की चीज़ नहीं ख़ूब याद रख
ऐ 'दाग़' किस तरह तुझे दिल से भुलाएँ हम
ġham se kahīñ najāt mile chain paa.eñ ham
dil ḳhuun meñ nahā.e to gañgā nahā.eñ ham
jannat meñ jaa.eñ ham ki jahannam meñ jaa.eñ ham
mil jaa.e to kahīñ na kahīñ tujh ko paa.eñ ham
jauf-e-falak meñ ḳhaak bhī lazzat nahīñ rahī
jī chāhtā hai terī jafā.eñ uThā.eñ ham
Dar hai na bhuul jaa.e vo saffāk roz-e-hashr
duniyā meñ likhte jaate haiñ apnī ḳhatā.eñ ham
mumkin hai ye ki va.ade par apne vo aa bhī jaa.e
mushkil ye hai ki aap meñ us vaqt aa.eñ ham
nārāz ho ḳhudā to kareñ bandagī se ḳhush
māshūq ruuTh jaa.e to kyūñkar manā.eñ ham
sar dostoñ kā kaaT ke rakhte haiñ sāmne
ġhairoñ se pūchhte haiñ qasam kis kī khā.eñ ham
kitnā tirā mizāj ḳhushāmad-pasand hai
kab tak kareñ ḳhudā ke liye iltijā.eñ ham
lālach abas hai dil kā tumheñ vaqt-e-vāpsīñ
ye maal vo nahīñ ki jise chhoḌ jaa.eñ ham
sauñpā tumheñ ḳhudā ko chale ham to nā-murād
kuchh paḌh ke baḳhshnā jo kabhī yaad aa.eñ ham
soz-e-darūñ se apne sharar ban ga.e haiñ ashk
kyuuñ āh-e-sard ko na patiñge lagā.eñ ham
ye jaan tum na loge agar aap jā.egī
us bevafā kī ḳhair kahāñ tak manā.eñ ham
ham-sā.e jāgte rahe nāloñ se raat bhar
so.e hue nasīb ko kyūñkar jagā.eñ ham
jalva dikhā rahā hai vo ā.īna-e-jamāl
aatī hai ham ko sharm ki kyā muñh dikhā.eñ ham
maano kahā jafā na karo tum vafā ke ba.ad
aisā na ho ki pher leñ ulTī duā.eñ ham
dushman se milte julte haiñ ḳhātir se dostī
kyā fā.eda jo dost ko dushman banā.eñ ham
tū bhūlne kī chiiz nahīñ ḳhuub yaad rakh
ai 'dāġh' kis tarah tujhe dil se bhulā.eñ ham
غم سے کہیں نجات ملے چین پائیں ہم
دل خون میں نہائے تو گنگا نہائیں ہم
جنت میں جائیں ہم کہ جہنم میں جائیں ہم
مل جائے تو کہیں نہ کہیں تجھ کو پائیں ہم
جوف فلک میں خاک بھی لذت نہیں رہی
جی چاہتا ہے تیری جفائیں اٹھائیں ہم
ڈر ہے نہ بھول جائے وہ سفاک روز حشر
دنیا میں لکھتے جاتے ہیں اپنی خطائیں ہم
ممکن ہے یہ کہ وعدے پر اپنے وہ آ بھی جائے
مشکل یہ ہے کہ آپ میں اس وقت آئیں ہم
ناراض ہو خدا تو کریں بندگی سے خوش
معشوق روٹھ جائے تو کیونکر منائیں ہم
سر دوستوں کا کاٹ کے رکھتے ہیں سامنے
غیروں سے پوچھتے ہیں قسم کس کی کھائیں ہم
کتنا ترا مزاج خوشامد پسند ہے
کب تک کریں خدا کے لیے التجائیں ہم
لالچ عبث ہے دل کا تمہیں وقت واپسیں
یہ مال وہ نہیں کہ جسے چھوڑ جائیں ہم
سونپا تمہیں خدا کو چلے ہم تو نا مراد
کچھ پڑھ کے بخشنا جو کبھی یاد آئیں ہم
سوز دروں سے اپنے شرر بن گئے ہیں اشک
کیوں آہ سرد کو نہ پتنگے لگائیں ہم
یہ جان تم نہ لو گے اگر آپ جائے گی
اس بے وفا کی خیر کہاں تک منائیں ہم
ہم سایے جاگتے رہے نالوں سے رات بھر
سوئے ہوئے نصیب کو کیونکر جگائیں ہم
جلوہ دکھا رہا ہے وہ آئینۂ جمال
آتی ہے ہم کو شرم کہ کیا منہ دکھائیں ہم
مانو کہا جفا نہ کرو تم وفا کے بعد
ایسا نہ ہو کہ پھیر لیں الٹی دعائیں ہم
دشمن سے ملتے جلتے ہیں خاطر سے دوستی
کیا فائدہ جو دوست کو دشمن بنائیں ہم
تو بھولنے کی چیز نہیں خوب یاد رکھ
اے داغؔ کس طرح تجھے دل سے بھلائیں ہم