ग़म नहीं गो ऐ फ़लक रुत्बा है मुझ को ख़ार का
आफ़्ताब इक ज़र्द पत्ता है मिरे गुलज़ार का
ज़ुल्फ़ के हल्क़े में उलझा सब्ज़ा गोश-ए-यार का
हो गया संग-ए-ज़मुर्रद ख़ाल चश्म-ए-मार का
नाख़ुदा है मौत जो दम है सो है बाद-ए-मुराद
'अज़्म है कश्ती-ए-तन को बहर-ए-हस्ती यार का
ख़ाना-ए-ज़ंजीर से मिस्ल-ए-सदा डरता हूँ अब
याद आता है कफ़-ए-पा में खटकना ख़ार का
जोश-ए-गिर्या ने किया है ना-तवाँ इतना मुझे
टूटना मुमकिन नहीं है आँसुओं के तार का
खा गई आख़िर मुझे चश्म-ए-सियाह-ए-सुर्मगीं
ज़र्क़ क़िस्मत ने किया है ज़ंगी आदम-ख़्वार का
स'ई-ए-ला-हासिल मुदावा-ए-मरीज़-ए-इश्क़ है
थामना मुमकिन नहीं गिरती हुई दीवार का
हाथ क़ातिल का गरेबाँ तक पहुँच सकता नहीं
और फ़र्त-ए-शौक़ है याँ ज़ख़्म दामन-दार का
फूल जो है अपने गुलशन का सिपर का फूल है
हर शजर इस बाग़ में लाता है फल तलवार का
ख़त्त-ए-रू-ए-यार से ईज़ा उठाई है ज़ि-बस
सब्ज़ा से होता है सदमा मेरे दिल को ख़ार का
गरचे पेश-ए-ताक़-ए-अबरू-ए-सनम गेसू नहीं
का'बा पर नर्ग़ा हुआ है लश्कर-ए-कुफ़्फ़ार का
ऐ सनम तेरी करंजी आँख से साबित हुआ
रंग उड़ जाता है रू-ए-मर्दुम-ए-बीमार का
याद में तेरी रक़ीब-ए-रू-सियह जागा तो क्या
मर्तबा 'आली न हो ख़ुफ़्फ़ाश-ए-शब-बेदार का
उस परी-रू के जो कूचे का गुज़रता है ख़याल
बन के जिन साया लिपटा है मुझे दीवार का
उठ के दीवार-ए-लहद से मुर्दे टकराते हैं सर
इक क़यामत है सनम 'आलम तिरी रफ़्तार का
ख़म नदामत से किया मेहराब में का'बा के सर
गर्दन-ए-ज़ाहिद से बोझ उट्ठा न जब ज़ुन्नार का
ज़िंदगी में बे-अदब होने न दे तू रो'ब-ए-हुस्न
ख़ाक है मेरी पस-अज़-मर्ग और दामन यार का
ऐ सनम 'आशिक़ से रूपोशी नहीं लाज़िम तुझे
पर्दा मूसा से नहीं अल्लाह को दीदार का
बू-ए-गुल 'आतिश' कहीं होती है महसूस-ए-नज़र
इफ़्तिरा है रोज़-ए-महशर यार के दीदार का
ġham nahīñ go ai falak rutba hai mujh ko ḳhaar kā
āftāb ik zard pattā hai mire gulzār kā
zulf ke halqe meñ uljhā sabza gosh-e-yār kā
ho gayā sañg-e-zamurrad ḳhaal chashm-e-mār kā
nāḳhudā hai maut jo dam hai so hai bād-e-murād
'azm hai kashtī-e-tan ko bahr-e-hastī yaar kā
ḳhāna-e-zanjīr se misl-e-sadā Dartā huuñ ab
yaad aatā hai kaf-e-pā meñ khaTaknā ḳhaar kā
josh-e-girya ne kiyā hai nā-tavāñ itnā mujhe
TūTnā mumkin nahīñ hai āñsuoñ ke taar kā
khā ga.ī āḳhir mujhe chashm-e-siyāh-e-surmagīñ
zarq qismat ne kiyā hai zañgī ādam-ḳhvār kā
sa'i-e-lā-hāsil mudāvā-e-marīz-e-ishq hai
thāmnā mumkin nahīñ girtī huī dīvār kā
haath qātil kā garebāñ tak pahuñch saktā nahīñ
aur fart-e-shauq hai yaañ zaḳhm dāman-dār kā
phuul jo hai apne gulshan kā sipar kā phuul hai
har shajar is baaġh meñ laatā hai phal talvār kā
ḳhatt-e-rū-e-yār se iizā uThā.ī hai zi-bas
sabza se hotā hai sadma mere dil ko ḳhaar kā
garche pesh-e-tāq-e-abrū-e-sanam gesū nahīñ
kā'ba par narġha huā hai lashkar-e-kuffār kā
ai sanam terī karanjī aañkh se sābit huā
rang uḌ jaatā hai rū-e-mardum-e-bīmār kā
yaad meñ terī raqīb-e-rū-siyah jaagā to kyā
martaba 'aalī na ho ḳhuffāsh-e-shab-bedār kā
us parī-rū ke jo kūche kā guzartā hai ḳhayāl
ban ke jin saaya lipTā hai mujhe dīvār kā
uTh ke dīvār-e-lahad se murde Takrāte haiñ sar
ik qayāmat hai sanam 'ālam tirī raftār kā
ḳham nadāmat se kiyā mehrāb meñ kā'ba ke sar
gardan-e-zāhid se bojh uTThā na jab zunnār kā
zindagī meñ be-adab hone na de tū ro'b-e-husn
ḳhaak hai merī pas-az-marg aur dāman yaar kā
ai sanam 'āshiq se rūposhī nahīñ lāzim tujhe
parda muusā se nahīñ allāh ko dīdār kā
bū-e-gul 'ātish' kahīñ hotī hai mahsūs-e-nazar
iftirā hai roz-e-mahshar yaar ke dīdār kā
غم نہیں گو اے فلک رتبہ ہے مجھ کو خار کا
آفتاب اک زرد پتا ہے مرے گل زار کا
زلف کے حلقہ میں الجھا سبزہ گوش یار کا
ہو گیا سنگ زمرد خال چشم مار کا
ناخدا ہے موت جو دم ہے سو ہے باد مراد
عزم ہے کشتیٔ تن کو بحر ہستی یار کا
خانۂ زنجیر سے مثل صدا ڈرتا ہوں اب
یاد آتا ہے کف پا میں کھٹکنا خار کا
جوش گریہ نے کیا ہے ناتواں اتنا مجھے
ٹوٹنا ممکن نہیں ہے آنسوؤں کے تار کا
کھا گئی آخر مجھے چشم سیاہ سرمگیں
زرق قسمت نے کیا ہے زنگی آدم خوار کا
سعئ لا حاصل مداوائے مریض عشق ہے
تھامنا ممکن نہیں گرتی ہوئی دیوار کا
ہاتھ قاتل کا گریباں تک پہنچ سکتا نہیں
اور فرط شوق ہے یاں زخم دامن دار کا
پھول جو ہے اپنے گلشن کا سپر کا پھول ہے
ہر شجر اس باغ میں لاتا ہے پھل تلوار کا
خط روئے یار سے ایذا اٹھائی ہے زبس
سبزہ سے ہوتا ہے صدمہ میرے دل کو خار کا
گرچہ پیش طاق ابروئے صنم گیسو نہیں
کعبہ پر نرغہ ہوا ہے لشکر کفار کا
اے صنم تیری کرنجی آنکھ سے ثابت ہوا
رنگ اڑ جاتا ہے روئے مردم بیمار کا
یاد میں تیری رقیب رو سیہ جاگا تو کیا
مرتبہ عالی نہ ہو خفاش شب بیدار کا
اس پری رو کے جو کوچہ کا گزرتا ہے خیال
بن کے جن سایہ لپٹا ہے مجھے دیوار کا
اٹھ کے دیوار لحد سے مردے ٹکراتے ہیں سر
اک قیامت ہے صنم عالم تری رفتار کا
خم ندامت سے کیا محراب میں کعبہ کے سر
گردن زاہد سے بوجھ اٹھا نہ جب زنار کا
زندگی میں بے ادب ہونے نہ دے تو رعب حسن
خاک ہے میری پس از مرگ اور دامن یار کا
اے صنم عاشق سے روپوشی نہیں لازم تجھے
پردہ موسیٰ سے نہیں اللہ کو دیدار کا
بوئے گل آتشؔ کہیں ہوتی ہے محسوس نظر
افترا ہے روز محشر یار کے دیدار کا