ग़म-ए-हस्ती न कुछ फ़िक्र-ए-दिल-ओ-जाँ है जहाँ मैं हूँ
कि हर हर गाम पर कोई निगहबाँ है जहाँ मैं हूँ
हर इक नज़्ज़ारा सौ पर्दों में पिन्हाँ है जहाँ मैं हूँ
ख़ुदा जाने कहाँ कल बज़्म-ए-इम्काँ है जहाँ मैं हूँ
हर इक जज़्बा तअ'य्युन से गुरेज़ाँ है जहाँ मैं हूँ
ग़म-ए-दिल बे-नियाज़-ए-कुफ़्र-ओ-ईमाँ है जहाँ मैं हूँ
कमाल-ए-बे-ख़ुदी मंज़िल-ब-मंज़िल काम करता है
जुनून-ए-जुस्तुजू सर-दर-गरेबाँ है जहाँ मैं हूँ
हवा में इक मुसलसल इर्तिआ'श-ए-शौक़ है पिन्हाँ
फ़ज़ा में पैहम इक बिजली सी रक़्साँ है जहाँ मैं हूँ
ग़म-ए-हासिल मुक़य्यद कर रहा है सई-ए-हासिल को
मज़ाक़-ए-आरज़ू दीवार-ए-ज़िंदाँ है जहाँ मैं हूँ
मुझे हर यौम इशरत परतव-ए-रू-ए-निगारीं है
शब-ए-ग़म साया-ए-ज़ुल्फ़-ए-परेशाँ है जहाँ मैं हूँ
कहाँ के ऐश-ओ-ग़म कैसी मुरादें कैसे अंदेशे
कि सारी ज़िंदगी ख़्वाब-ए-परेशाँ है जहाँ मैं हूँ
जुनून इंसान के अंदाज़-ए-फ़रज़ाना को कहते हैं
ख़िरद का नाम एहसास-ए-पशेमाँ है जहाँ मैं हूँ
जो हर मंज़िल में रहबर था वो अब भी साथ है वर्ना
यहाँ हर गाम पर लग़्ज़िश का इम्काँ है जहाँ मैं हूँ
किसी से 'कैफ़' मैं राज़-ए-हक़ीक़त किस तरह पूछूँ
हर इक सूरत हर इक नज़्ज़ारा हैराँ है जहाँ मैं हूँ
ġham-e-hastī na kuchh fikr-e-dil-o-jāñ hai jahāñ maiñ huuñ
ki har har gaam par koī nigahbāñ hai jahāñ maiñ huuñ
har ik nazzāra sau pardoñ meñ pinhāñ hai jahāñ maiñ huuñ
ḳhudā jaane kahāñ kal bazm-e-imkāñ hai jahāñ maiñ huuñ
har ik jazba ta.ayyun se gurezāñ hai jahāñ maiñ huuñ
ġham-e-dil be-niyāz-e-kufr-o-īmāñ hai jahāñ maiñ huuñ
kamāl-e-be-ḳhudī manzil-ba-manzil kaam kartā hai
junūn-e-justujū sar-dar-garebāñ hai jahāñ maiñ huuñ
havā meñ ik musalsal irti.āsh-e-shauq hai pinhāñ
fazā meñ paiham ik bijlī sī raqsāñ hai jahāñ maiñ huuñ
ġham-e-hāsil muqayyad kar rahā hai sa.ī-e-hāsil ko
mazāq-e-ārzū dīvār-e-zindāñ hai jahāñ maiñ huuñ
mujhe har yaum ishrat partav-e-rū-e-nigārīñ hai
shab-e-ġham sāya-e-zulf-e-pareshāñ hai jahāñ maiñ huuñ
kahāñ ke aish-o-ġham kaisī murādeñ kaise andeshe
ki saarī zindagī ḳhvāb-e-pareshāñ hai jahāñ maiñ huuñ
junūn insān ke andāz-e-farzāna ko kahte haiñ
ḳhirad kā naam ehsās-e-pashemāñ hai jahāñ maiñ huuñ
jo har manzil meñ rahbar thā vo ab bhī saath hai varna
yahāñ har gaam par laġhzish kā imkāñ hai jahāñ maiñ huuñ
kisī se 'kaif' maiñ rāz-e-haqīqat kis tarah pūchhūñ
har ik sūrat har ik nazzāra hairāñ hai jahāñ maiñ huuñ
غم ہستی نہ کچھ فکر دل و جاں ہے جہاں میں ہوں
کہ ہر ہر گام پر کوئی نگہباں ہے جہاں میں ہوں
ہر اک نظارہ سو پردوں میں پنہاں ہے جہاں میں ہوں
خدا جانے کہاں کل بزم امکاں ہے جہاں میں ہوں
ہر اک جذبہ تعین سے گریزاں ہے جہاں میں ہوں
غم دل بے نیاز کفر و ایماں ہے جہاں میں ہوں
کمال بے خودی منزل بمنزل کام کرتا ہے
جنون جستجو سر در گریباں ہے جہاں میں ہوں
ہوا میں اک مسلسل ارتعاش شوق ہے پنہاں
فضا میں پیہم اک بجلی سی رقصاں ہے جہاں میں ہوں
غم حاصل مقید کر رہا ہے سعیٔ حاصل کو
مذاق آرزو دیوار زنداں ہے جہاں میں ہوں
مجھے ہر یوم عشرت پرتو روئے نگاریں ہے
شب غم سایۂ زلف پریشاں ہے جہاں میں ہوں
کہاں کے عیش و غم کیسی مرادیں کیسے اندیشے
کہ ساری زندگی خواب پریشاں ہے جہاں میں ہوں
جنون انسان کے انداز فرزانہ کو کہتے ہیں
خرد کا نام احساس پشیماں ہے جہاں میں ہوں
جو ہر منزل میں رہبر تھا وہ اب بھی ساتھ ہے ورنہ
یہاں ہر گام پر لغزش کا امکاں ہے جہاں میں ہوں
کسی سے کیفؔ میں راز حقیقت کس طرح پوچھوں
ہر اک صورت ہر اک نظارہ حیراں ہے جہاں میں ہوں